وەزیری پێشمەرگە و بەرپرسێکی باڵای سەربازیی ئەڵمانیا چهند رێککەوتنێك واژۆ دەکەن
08:56 - 08/12/2021
زهمهن_ههرێمی كوردستان
وەزارەتی پێشمەرگە رایگەیاند، وەزیری پێشمەرگە و
بەرپرسی راوێژکارانی سەربازیی ئەڵمانیا لە هەولیر چەندین رێککەوتننامەی هاوبەشیان
واژۆ کردووە.
بەپێی راگەیێندراوێکی وەزارەتی پێشمەرگە، ئهمڕۆ چوارشەممە 08-12-2021 لە
رێوڕەسمێکدا شۆڕش ئیسماعیل، وەزیری پێشمەرگەی هەرێمی کوردستان و کۆلۆنێڵ مایەر،
بەرپرسی راوێژکارانی سەربازیی ئەڵمانیا لە هەولێر واژۆیان لەسەر حەوت پرۆژەی جۆراو
جۆر لە بوارەکانی مەشق و راهێنان، سەنتەری زمان و پێداویستی و کەلوپەلی هەمەجۆر و
دروستکردن و بونیاتنان کردووە.
لە رێوڕەسمەکەدا لیوا روکن هۆشمەند حەیدەر رەشید، جێگری سەرۆکی ئەرکان بۆ
ئیدارە و میرە؛ کۆلۆنێل کای، راوێژکاری باڵای سەربازیی هێزەکانی ئەڵمانیا بۆ
وەزارەتی پێشمەرگە؛ عەمید روکن سالار ئیبراهیم، راگری کۆلێژی ئەرکان؛ عەمید روکن
محەممەد سەعید، بەڕێوەبەری هەماهەنگی و پەیوەندییەکان؛ عەمید روکن نەبەز،
بەڕێوەبەری چاکسازی و جێگری بەڕێوەبەری چاکسازی و بەرپرسی بەشی پرۆژەکان ئامادەی
بوون.
وەزیری پێشمەرگە ستایشی ئەو هەوڵەی راوێژکارانی سەربازیی ئەڵمانیی کرد و
رایگەیاندووە، "هەنگاوەکانتان بەرز دەنرخێنین و بەناوی وەزارەت و هێزەکانی
پێشمەرگەوە سوپاسی ئێوە و حکومەتی ئەڵمانیا دەکەین لە پشتگیری و پاڵپشتیی
بەردەوامتان بۆ هێزی پێشمەرگە".