کوڕەکەی دانیال میتەران لە کۆبونەوەی ئەمڕۆی پەرلەمان میوانە
09:21 - 07/12/2021
"زهمهن"
پهرلهمانی كوردستان كۆدهبێتهوه
و چهند بابهتێك تاوتوێدهكات لهنێویاندا میوانداری كوڕهكهی دانیال میتەران دهكرێت
و بەدواداچوونی لیژنەی دارایی و كاروباری ئابووری،
سەبارەت بە داهاتەكانی هەرێمی كوردستان دهخرێتهڕوو.
بهرنامهكهی كاری پهرلهمان:
پشتبهستن به حوكمی بڕگهی (سێیهم) له ماددهی
(١٨)ی پهیڕهوی ناوخۆی پهرلهمانی كوردستان-عێراق، د. ڕێواز فایەق سەرۆکی پەرلەمانی
کوردستان بانگهێشتی گشت ئهندامه بهڕێزهكانی پهرلهمان دەکات، بۆ دانیشتنی
ژماره (١٠)ی ئاسایی خولی پایزهی ساڵی سێیەم له خولی ههڵبژاردنی پێنجهمی پهرلهمانی
كوردستان-عێراق، له كاتژمێر (١٢)ی پێشنیوهڕۆی ڕۆژی سێشهممه ڕێكهوتی ٢٠٢١/١٢/٧.
بەرنامەی کاری دانیشتنەکە بەشێوەیەی خوارەوەیە:
یەكەم: بەبۆنەی یادی دە ساڵەی كۆچی دوایی دۆستی
كورد، خاتوو (دانیال میتران)، بڕگەی یەكەمی بەرنامەی كار بەم شێوەیەی خوارەوە دەبێت.
١ - بەخێرهێنان و وتەی بەڕێز سەرۆكی پەرلەمان. بەبۆنەی ئامادەبوونی بەڕێز
(جیلبەرت میتران)، كوڕی دۆستی كورد خاتوو (دانیال میتران).
٢ - وتەی بەڕێز (جیلبەرت میتران).
دووەم: خوێندنهوهی دووهم بۆ پڕۆژەیاسای (سەرپەرشتیكردنی
پڕۆژەكانی كشتوكاڵی لە هەرێمی كوردستان-عێڕاق)، بهپێی حوكمی ماددهكانی (٨٧، ٨٨،
٨٩) له پهیڕهوی ناوخۆی پهرلهمانی كوردستان.
سێیەم: دەستلەكاركێشانەوەی ئەندامی پەرلەمان بەڕێز
(سیروان فهرهج محهمهد) لە ئەندامیەتیی (لیژنەی پەیوندییەكان و ڕەوەندی
كوردستانی)، بەپێی حوكمی ماددەی (٢٨) لە پەیڕەوی ناوخۆی پەرلەمانی كوردستان.
چوارەم: خستنەڕووی بەدواداچوون و ڕاسپاردەی هەردوو
لیژنەی (كاروباری پێشمەرگە) و لیژنەی (ناوچە كوردستانییەكانی دەرەوەی هەرێم)، سەبارەت
بە هێرشەكانی ڕِێکخراوى تیرۆریستیى دەوڵەتى ئیسلامى لە عێراق و شام، ناسراو بە
(داعش) بۆ سەر سەنگەرەكانی پێشمەرگە.
پێنجەم: خوێندنهوهی دووهم بۆ پڕۆژەیاسای (هەمواری
یاسای وەزارەتی دارایی و ئابووری لە هەرێمی كوردستان-عێراق)، بهپێی حوكمی ماددهكانی
(٨٧، ٨٨، ٨٩) له پهیڕهوی ناوخۆی پهرلهمانی كوردستان.
شەشەم: خستنەڕووی بەدواداچوونی لیژنەی (دارایی
و كاروباری ئابووری)، سەبارەت بە داهاتەكانی هەرێمی كوردستان.