شارەوانی سلێمانی زەوی بۆ ئاژەڵی بێلانە دابین دەكات
10:44 - 02/12/2021
زەمەن_ پشتیوان جەمال
سەرۆكایەتی شارەوانی
سلێمانی بەھاوكاری لایەنە پەیوەندیدارەكان ھەڵدەستێت بەدابینكردنی زەوی
بۆ سەگ و ئاژەڵە بێلانەكان بۆ كۆكردنەوەیان لە یەك شوێندا.
سەردەشت عەزیز، بەرپرسی
راگەیاندنی شارەوانی سلێمانی بە "زەمەن"ی راگەیاند، ماوەیەكە لەسنوری
شاری سلێمانی دیاردەی سەگ و ئاژەڵی بەڕەڵا
و بێخاوەن دەبینرێت بەتایبەتیش لەناو گەرەكەكان كە بوونەتە مەترسی بۆ سەر
ژیانی ھاوڵاتیان، بۆیە شارەوانی بەھاوكاری لایەنە پەیوەندیدارەكان لە بەڕێوەبەرایەتییەكانی
ڤێتێرنەری و تەندروستی و پۆلیسی سلێمانی ھاوكاری رێكخراوەكانی ئاژەڵ دۆست ھەڵدەسێت
بەدابینكردنی زەوی بەمەبەستی دروستكردنی شەڵتەر و لانەیەك بۆیان كە رێكخراو خێرخوازیك
ئەركی پاراستنیان دەگرنە ئەستۆ.
ناوبراو روونیكردەوە،
شارەوانی سلێمانیش لەرێگەی بەشی خزمەتگوزاری و ئامێرەكانەوە ئەركی كۆكردنەوەی
خواردن لەچێشخانەكان گواستنەوەی بۆیان دابین دەكات.