زانكۆی سلێمانی لهبارهی سزادانی خوێندكاران بڕیاریدا
08:37 - 01/12/2021
زهمهن_سلێمانی
سهرۆكایهتی زانكۆی سلێمانی
بڕیاریدا، هیچ خوێندكارێكی زانكۆی سلێمانی لە بەرامبەر داواكردنی مافە ڕەواكانی
سزا نهدات.
سەرۆكی زانكۆ و ئەنجوومەنی
زانكۆی سلێمانی لەگەڵ یاریدەدەری ڕاگر و سەرۆك بەشەكانی سەرجەم كۆلێجەكانی زانكۆ
كۆبوونەوە و بڕیاری ئاسایی كردنەوەی دەوامی دا و جەختیشی كردەوە، كە هیچ
خوێندكارێك سزا نادرێت.
بەپێی ڕاگەیەنراوێكی زانكۆی
سلێمانی، ئەمڕۆ چوار شەممە ٢٠٢١/١٢/١ كۆبونەوەیەكی تایبەت بە دەستپێكردنەوەی
وانەكان و ئامادەیی بۆ تاقیكردنەوە و چارەسەركردنی كێشەی خوێندكاران و چڕكردنەوەی
هەوڵەكان بۆ ئاسایكردنەوەی ڕێڕەوی خوێندن لە زانكۆی سلێمانی بەڕێوەچوو.
د. ڕەزا حەسەن، سەرۆكی زانكۆی
سلێمانی ڕونكردنەوەی پێویستیدا لەبارەی دارایی زانكۆ و كێشەی مامۆستایان و
پێداویستی كۆلێجەكان و خۆپیشاندانی خوێندكاران و هەوڵەكان بۆ چارەسەكردنیان .
لای خۆشیەوە، د. پێشڕەو حمەجان،
یاریدەدەری سەرۆكی زانكۆ بۆ كاروباری خوێندكاران باسی لە هەوڵەكانی پێشووتری
سەرۆكایەتی زانكۆ كرد، كە بە چەندین نوسراوی فەرمی لایەنە پەیوەندیدارەكانیان
ئاگاداركردۆتەوە لە داواكردنی ( پێداویستی و كەموكوڕی بەشەناوخۆییەكان و تاقیگەكان
و كۆلێجەكان و دەرماڵەی خوێندكاران).
باسی لەوەشكرد، هەر لەسەرەتاوە
سەرۆكایەتی زانكۆ و ئەنجوومەنی زانكۆ پشتگیری تەواوی داواكارییە ڕەواكانی
خوێندكاران بوون.
وتیشی، “هەموو لایەك دڵنیا
دەكەینەوە هیچ خوێندكارێكی زانكۆی سلێمانی لە بەرامبەر داواكردنی مافە ڕەواكانی و
بەشداری خۆپیشاندان نەسزادراوە و نەسزاش دەدرێت لەلایەن كۆلێجەكان و سەرۆكایەتی
زانكۆی سلێمانیەوە”.