لە سلێمانى حاڵەتێکى مەترسیدار دەستنیشانکرا
11:49 - 28/11/2021
5872 جار خوێندراوەتەوە
زەمەن_سلێمانى
ستافى کوشتارگەى سلێمانى حاڵتێکى مەترسیداریان لەناو ئاژەڵدا
دەستنیشانکردووە کە راستەوخۆ دەگوازرێتەوە بۆ مرۆڤ و نەخۆشى مەترسیدار دروست دەکات.
شاڵاو عارف بەڕێوەبەرى کوشتارگەى سلێمانى رایگەیاند، حاڵەتێکی مەترسیدار لەلایەن
ستافی پزیشکی کوشتارگەی هاوچەرخی سلێمانی دەستنیشان کراوە، کەیسەکە ناسراوە بەنەخۆشی Sarcocystosis لە ئاژەڵی گەورەدا کە ڕاستەوخۆ دەگوازرێتەوە بۆ مرۆڤ.
وتیشى، هۆی ئەم نەخۆشیە مشەخۆری Sarcocystis
hominis و مەترسی ئەم نەخۆشیە لەوەدایە کە هەندێ جار
زۆر بە سەختی تەشەنە دەکات لە مرۆڤدا بە جۆرێک تەواوی جەستەی دەگرێتەوە و لە هەندێ
حاڵەتدا بە گومانی شێرپەنجە نەخۆش بۆ ماوەیەکی زۆر چارەسەری کیمیایی وەرگرتووە بەڵام
تەندروستی خراپتر بووە تا دوا جار پاش پشکنینی وورد و بە PCR دەستنیشان کراوە.
وێنەی حاڵەتەکەی ئەمڕۆ لە کوشتارگە و هەروەها X-Ray و MRI چەند نەخۆشێکی تووش بوو بەم مشەخۆرە.
