دانا عهبدولكهریم: سبهی ئهنجومهنی وهزیران له بهرژهوهندی خوێندكاران بڕیار دهدات
02:51 - 23/11/2021
"زهمهن"
بڕیارە سبەى چوارشەممە
ئەنجومەنى وەزیرانى هەرێم کۆببێتەوە و پرسى خۆپیشاندانەکانى خوێندکاران و
خەرجکردنى دەرماڵەکانیان تاوتوێ دەکەن.
دانا عەبدولکەریم وەزیرى ئاوەدانکردنەوە و
نیشتەجێکردنى حکومەتى هەرێمى کوردستان، به (KNN) رایگەیاند، سبەى چوارشەممە (24/11/2021)
ئەنجومەنى وەزیرانى هەرێم کۆدەبێتەوە و بەشێکى گرنگى ئەجێنداى کۆبونەوەکە تایبەت
دەبێت بە خۆپیشاندانەکانى چەند رۆژى رابردوى خوێندکارانى زانکۆ و پەیمانگاکان.
دانا عەبدولکەریم ئاماژەى بەوەشکرد، هەموو هەوڵەکان
بە ئاڕاستەى ئەوەن ئەنجومەنى وەزیرانى هەرێم لە بەرژەوەندى خوێندکاران بڕیاربدات
کە داواکارى سەرەکى خوێندکارانى زانکۆ و پەیمانگاکان خەرجکردنى دەرماڵەى خوێندنە.