عێراق.. کاروانی ئۆتۆمبێلەکانی هاوپەیمانی نێودەوڵەتی کرانە ئامانج
11:13 - 14/09/2020
119 جار خوێندراوەتەوە
"زەمەن"
شانەی راگەیاندنی
ئەمنی عێراق رایگەیاند، لە دیوانییە و بابل دوو بۆمبی چێندراو بە کاروانی
ئۆتۆمبێلەکانی هاوپەیمانی نێودەوڵەتی تەقینەوە و هیچ زیانێکی گیانی نەبووە.
لە راگەیەنراوێکدا
شانەی ئەمنی عێراق ئاماژەی بەوەکردووە، لە هەردوو پارێزگای دیوانییە و
بابل، لەو کاتەی کاروانی ئۆتۆمبێلەکانی هاوپەیمانی نێودەوڵەتی خەریکی کشانەوبوون
کراونەتە ئامانج.
روونیشیکردووەتەوە،
کشانەوەی کاروانی ئۆتۆمبێلەکانی هاوپەیمانی نێودەوڵەتی لەلایەن کۆمپانیای
عێراقییەوە دەگوازرێنەوە و شۆفێرەکان عێراقین و بیانی نین.
لە کۆتایی
راگەیەنراوەکەدا ئاماژەی بەوەکردووە، بە هۆی بۆمبەکانەوە هیچ زیانێکی گیانی نەبووە
و لە ئێستادا پرۆسەی کشانەوەیان بەردەوامە.