زانیارى نوێ لەبارەى مەلا کرێکار لە زیندان
03:00 - 03/08/2020
341 جار خوێندراوەتەوە
"زەمەن"
برایەکى زانیارى نوێ لەسەر مەلا کرێکار لە زیندان ئاشکرا دەکات و دەڵێت، " تەندروستی
و خەو و خواردنی باشە".
خالید رەنجدەر براى مەلا کرێکار رایگەیاند، "دوای چوار مانگ و نۆ ڕۆژ
لە ڕفاندنی بۆ ئیتالیا، ئەمڕۆ ٢٠٢٠/٨/٣ لە پەیوەندییەکی تەلەفۆنیدا مامۆستا کرێکار
لە زیندانەکەیەوە لە دوورگەی سیسیلیە/صقلیە قسەی لە گەڵ خێزانەکەی کردووە".
ئاماژەى بەوەشکردووە، مەلا کرێکار تەندروستی و خەو و خواردنی باشە و هیچ کێشەی
نییە و وا بڕیایشە لەمەودا هەفتەی یەک جار تەلەفۆنیان بۆ بکات و لە بارودۆخی خۆی
ئاگاداریان بکاتەوە.
مەلا کرێکار لە ٢٠١٩/٧/١٥ بە زیندانکرنی ١٢ ساڵ لە لایەن دادگای بوڵزانۆی ئیتالیاوە
حوکم درا و لە هەمان ڕۆژدا نەرویج دەستگیریکرد و لە ٢٠٢٠/٣/٢٦ بە فڕۆکەیەکی مەدەنی
دانیمارکی لە فڕۆکەخانەی ئۆسلۆوە ڕفێندرا بۆ ئیتالیا.