عیراق

دوای جه‌ژن دەوامی فەرمانبەران ده‌گۆڕێت

04:26 - 01/08/2020 3003 جار خوێندراوەتەوە

"زەمەن"

بڕیارە دوای جەژنی قوربان جارێكی دیكە دەستكاری كات و شێوازی دەوامی فەرمانبەرانی عێراق به‌ كه‌ركوك و ناوچه‌ دابڕێنراوه‌كانی ده‌ره‌وه‌ی ئیداره‌ی هه‌رێمیشه‌وه‌ بكرێت، ئه‌وه‌ش بەهۆی زیادبوونی مەترسییەكانی بڵاوبوونەوەی ڤایرۆسی كۆرۆنا و بەرزبوونەوەی ژمارەی تووشبووان.


ئەمیندارێتی گشتی ئەنجوومەنی وەزیرانی عیراق لە ڕاگەیەنراوێكدائاشكرایكرد،  شێواز و كاتی دەوامی فەرمانبەران لەدوای جەژنی پیرۆزی قوربان لەلایەن لیژنەی باڵای تەندروستی و سەلامەتی نیشتمانی ئەنجوومەنی وەزیرانەوە دیاری دەكرێت.

پێشتر ئەمیندارێتی گشتی ئەنجوومەنی وەزیرانی عیراق بڕیاریدابوو، فەرمانگەكان بەڕێژەی 20 تا 25% دەوام بەفەرمانبەران بكەن و بەشێوەی تەناوب، بەڵام لەئێستادا ڕۆژ بەڕۆژ ژمارەی تووشبووان بە كۆرۆنا ڕووی لە هەڵكشانە.

 

سۆشیال میدیا

ڕۆژنامەی زەمەن

Advertisement