کوردستان

وه‌زاره‌تی گواستنه‌وه‌ راگه‌یه‌نراوێكی له‌باره‌ی ده‌ستپێكردنه‌وه‌ی گه‌شته‌كان بڵاوكرده‌وه‌

03:03 - 01/08/2020 78 جار خوێندراوەتەوە

"زەمەن"

وه‌زاره‌تی گواستنه‌وه‌ و گه‌یاندنی حكومه‌تی هه‌رێم رایگه‌یاند، فڕۆکەخانەکانی هەرێمی کوردستان بە رووی گەشتیاران کرانەوە.


له‌ راگه‌یه‌نراوێكدا وه‌زاره‌تی گواستنه‌وه‌ و گه‌یاندنی حكومه‌تی هه‌رێم ئاماژه‌ به‌وه‌ده‌كات، بەگوێرەی بڕیارو رێنماییەکانی لیژنەی باڵای بەرەنگاربوونەوەی پەتای ڤایرۆسی کۆرۆنا لە هەرێمی کوردستان و دەسەڵاتی فڕۆکەوانی مەدەنی عێراق، ئەمڕۆ شەممە ١-٨-٢٠٢٠، هەردوو فڕۆکەخانەی نێودەوڵەتی هەولێر و سلێمانی بە رووی گەشتیاراندا کرانەوەو گەشتە ئاسمانییەکان بە هاتن و چوونەوە ئەنجامدەدرێن.

ئاماژه‌ی به‌وه‌شكردووه‌، گەشتیاران دەبێت بەوانەی دێن و ئەوانەی دەڕۆنەوە، پێویستە پشکنینی کۆرۆنا(PCR) یان ئەنجامدابێت و پابەندی رێوشوێنەکانی خۆپارێزی بن لەناو فڕۆکەخانەو گەشتەکانیان.

بە مەبەستی رێگرتن لە تەشەنەسەندنی پەتای کۆرۆنا لە عێراق و هەرێمی کوردستان لە رۆژی ١٦-٣-٢٠٢٠ وە گەشتەکانی ئاسمانی بۆ گەشتیاران راگیرابوو . تەنها رێگا بە گەشتەکانی کارگۆو فریاگوزاری و و سەربازی و گەڕانەوەی ئەو هاووڵاتیانەی لە دەرەوە گیریان خواردبوو دەدرا.

سۆشیال میدیا

ڕۆژنامەی زەمەن

Advertisement