عیراق

بكوژ و رفێنه‌رانی خۆپیشانده‌ران ئاشكراكران

11:04 - 23/05/2020 579 جار خوێندراوەتەوە

"زه‌مه‌ن"

رێكخراوی نه‌ته‌وه‌ یه‌كگرتوه‌كان رایده‌گه‌یه‌نێت، گروپه‌ چه‌كداره‌كان له‌ده‌ستگیركردن و رفاندن و كوشتنی خۆپیشانده‌رانی عێراق تێوه‌گلاون.


له‌ راپۆرتێكدا، نوسینگەی مافەکانی مرۆڤی نێردەی نەتەوە یەکگرتوەکان له‌ عێراق بڵاویكرده‌وه‌، 123 کەیسی رفاندنی خۆپیشانده‌ران تۆمارکردوە، کە لە ماوەی نێوان یەکی تشرینی یەکەمی 2019 و 21ی ئازاری 2020 رویانداوە، 98 کەسیان ئازاد کراون و چارەنووسی 25 کەسیشیان تا ئێستا نادیارە.

به‌پێی راپۆرته‌كه‌، هەر لەسەرەتای سەر‌هەڵدانی خۆپیشاندانەکان لەدەستپێکی مانگی تشرینی یەکەمی 2019 دا نەتەوە یەکگرتوەکان مردنی 490 چالاکوان و برینداربونی 7783 تریشی دوپات کردەوە، زۆرینەی خۆپێشاندەران گەنجانی بێکاربون و داوایان دەکرد ڕێز لە مافە ئابوری و کۆمەلایەتییەکانیان بگیرێت، خۆپێشاندانەکان بەردەوام بون تەنانەت تا دواى ئەوکاتەش کە پەتای ڤایرۆسی کۆڕۆنا لە وڵاتدا بڵاوبوەوە.

ئاماژەی بەوەشکردوە، کردەکانی رفاندن و بێسەروشوێن کردن لە نێو چەندین روداوی تر رویانداوە، کە پێشێلکاری و خەراپ مامەڵەى تری تێدا بوە، چالاکوان و خۆپێشاندەران تیایدا کرابونە ئامانج، وەک کردەکانی کوشتنی بە ئەنقەست و تەقەکردن و هێرش کردن بە چەقۆ و هەڕەشەکردن و تۆقاندن و بەکارهێنانی لە رادەبەدەری هێز لە شوێنی خۆپیشاندانەکان.

ڕاپۆرتەکەی نەتەوە یەکگرتوەکان باس له‌وه‌شده‌كات، چەکدارانی رێکخراو لە ئاستێکی باڵا و ئەوانەی توانای گەیشتنیان بە سەرچاوەکان هەیە لەو کردارانە تێوەگڵاون.

 

سۆشیال میدیا

ڕۆژنامەی زەمەن

Advertisement