سبەی هێندە سارد دەبێ بەفریش دەبارێت
12:44 - 19/03/2026
زەمەن_هەواڵ
کەشناسی ڕایگەیاند: ئاسمانی هەرێمی کوردستان دەکەوێتە
ژێر کاریگەریی نزمەپاڵەپەستۆیەکی یەکگرتووی دەریای سوور و دەریای ناوەڕاست؛ شەپۆلێکی
بارانبارین زۆربەی ناوچەکان دەگرێتەوە و پلەکانی گەرما بە شێوەیەکی بەرچاو دادەبەزن.
ئەمڕۆ پێنجشەممە، ١٩ی ئاداری ٢٠٢٦،
بەڕێوەبەرایەتی گشتی کەشناسی هەرێم، کەشی ٤٨ کاتژمێری بڵاوکردەوە و ئاشکرایکرد، ئەمڕۆ
ئاسمانی هەرێم بەگشتی هەوری تەواو دەبێت و ئەگەری بەرزبوونەوەی تۆزێکی سووک هەیە،
لە کاتەکانی ئێوارەدا، نمەباران لە ناوچەکانی سنووری ڕۆژئاوا و باشووری هەرێم دەستپێدەکات
و دواتر کاریگەرییەکەی بۆ تەواوی ناوچەکان درێژ دەبێتەوە.
ئاماژەی بەوەشداوە، لە کاتەکانی شەودا دابارین زیاد دەکات و دەبێتە
بارانی بەردەوام، پێشبینی دەکرێت بڕێکی زۆر باران ببارێت.
لەبارەی کەشی سبەی هەینی و یەکەم ڕۆژی جەژنی
ڕەمەزان، باسی لەوەکردووە، بەهۆی بەردەوامیی کاریگەریی نزمەپاڵەپەستۆکە، ئاسمانی هەرێم
بە هەوری باراناوی دەمێنێتەوە و نمەباران لە زۆربەی ناوچەکان بەردەوام دەبێت.
دەشڵێت: لە ناوچە سنوورییەکانی باکووری خۆرهەڵات
ئەگەری کەمێک بەفربارین هەیە. لە کاتەکانی دوای نیوەڕۆدا، دابارین بۆ تاوەباران و
هەورەتریشقە دەگۆڕێت، بەڵام لە ناوچە شاخاوییەکان ئەم ئەگەرە کەمترە، پلەکانی گەرما
بە شێوەیەکی بەرچاو و بە ڕێژەی 5 بۆ 6 پلە بەراورد بە ئەمڕۆ دادەبەزن.
پلەکانی گەرمای پێشبینیکراو بۆ ئەمڕۆ و سبەی:
هەولێر: ئەمڕۆ 19 | سبەی 13
سلێمانی: ئەمڕۆ 17 | سبەی 11
دهۆک: ئەمڕۆ 18 | سبەی 11
کەرکووک (گەرمیان): ئەمڕۆ 20 | سبەی 17
هەڵەبجە: ئەمڕۆ 18 | سبەی 13
زاخۆ: ئەمڕۆ 19 | سبەی 12
سۆران: ئەمڕۆ 17 | سبەی 11
پیرمام: ئەمڕۆ 17 | سبەی 11
چەمچەماڵ: ئەمڕۆ 18 | سبەی 12
حاجی ئۆمەران: ئەمڕۆ 7 | سبەی 2
خێرایی و ئاراستەی با