بەپەلە.. ١٤ رێنمایی نوێ لە هاتووچۆوە بۆ شۆفێران
09:41 - 19/03/2026
زەمەن – هەواڵ
بەبۆنەی هاتنی جەژنی
ڕەمەزانی پیرۆزە و بۆنەی نەتەوەیمان جەژنی نەورۆز
بەڕێوەبەرایەتی
هاتووچۆی سلێمانی پیرۆزبایی گەرم ئاراستەی هەموو موسڵمانانی کوردستان دەکات، هیوای
جەژنێکی پڕ خۆشی و سەلامەتیتان بۆ دەخوازین
داواکارین لە سەرجەم
بەکار هێنەرانی شەقام بەگشتی و شۆفێران بە تایبەتی، پابەندی ئەم ڕێنماییانەی خوارەوە
ببن:
١- دایکان و باوکانی بەرێز، سویچی ئۆتۆمبێلەکانتان
مەدەنە دەست ئەو کوڕ و کچانەی مۆڵەتی شۆفێریان نیە، چونکە ئەمە سەرپێچی یاسای
هاتووچۆیە و ڕێکاری یاسایی دەگیرێتە بەر (لێخوڕێنی ئۆتۆمبێل بێ مۆڵەتی شۆفێری بەشی
٢١لە یاسای هاتووچۆ).
٢- بەهۆی زیادبوونی منداڵان لە شەقام و کۆڵانەکان
لە ڕۆژانی جەژندا، تکایە بە وریایی زیاتر شۆفێری بکەن و خۆتان لە خێرایی و سەرکێشی
بپارێزن.
٣- پێویستە شۆفێر و سەرنشینان پشتوێنی دڵنیایی
(قایشی سەلامەتی) بەکار بهێنن.
٤- تکایە مۆبایل بە هیچ شێوەیەک لە کاتی شۆفێریدا
بەکار مەهێنن.
٥- شۆفێرانی ماتۆڕسکیل پابەندی خێرایی دیاری
کراوو چرای ترافیک و بەکار هێنانی کڵاوی سەرپارێزی بن.
٦- شۆفێرانی ماتۆڕسکیل خۆیان لە سەرکێشی و
دروستکردنی مەترسی و بێزارکردنی هاوڵاتیان بپارێزن.
٧- سەرخستنی منداڵان لە بەشی پشتەوەی بار
هەڵگرەکان و ماتۆڕسکیلەکان قەدەغەیە و لە کاتی سەرپێچی دەست بەسەر ئەو سوارڕەوانە
دەگیرێت.
٨- پارککردنی ئۆتۆمبێل بە شێوەی نادروست قەدەغەیە
و لێپرسینەوەی یاسایی لەگەڵ دەکرێت.
٩- لە یەکەم ڕۆژی جەژن، مەفرەزەکانی
هاتووچۆ لەبەردەم سەرجەم گۆڕستانەکانی سلێمانی دابەش دەبن بۆ ڕێکخستنی هاتووچۆ.
١٠- مەفرەزەکان لە شوێنە گەشتیاری و سەیرانگاكانیش
دابەش دەبن و هیوادارین شۆفێران هاوکاریان بن.
١١- کامێراکانی چاودێری خێرایی بەردەوام لە
کارکردندا دەبن، وەک ڕۆژانی ئاسایی لە ڕیگەوبانەکانی ناوشارو دەرەوەی شارەکان.
١٢- پابەندی بە خێرایی دیاری کراوبن، بە تایبەتی
لە ناو شوێنە گشتی و کۆڵانەکاندا .
١٣-شۆفێری بەڕێز ڕۆژانی ٢١ و ٢٢ و ٢٣ هاتنە
ناوەوەی سوارڕەوی بار هەڵگر بۆ ناو سەنتەری قەزای دوکان قەدەغەیە
١٤ – -شۆفیری بەڕێز خۆت بە دوور بگرە لە شۆفێریکردن
لە ژێر کاریگەری مەیدا .
لە حاڵەتی پێویستدا
شۆفێران دەتوانن لە رێگەی هێڵی گەرمی بەڕێوەبەرایەتی هاتووچۆی سلێمانی ژمارە(١٨٨)
پەیوەندیمان پێوە بکەن.
بەهیوای جەژنێکی
ئارام و سەلامەت بۆ هەموان
بەڕێوەبەرایەتی
هاتووچۆی سلێمانی