بەپەلە.. ئەگەر دەکرێ سبەی پێنجشەممە جەژن بێت
02:35 - 18/03/2026
زەمەن - هەواڵ
بڕیارە ئەمڕۆ چوارشەممە 18-3-2026، لیژنەی
باڵای بینینی مانگ لە وەزارەتی ئەوقاف و کاروباری ئایینی حکومەتی هەرێمی کوردستان،
بە مەبەستی دیاریکردنی یەکەم ڕۆژی جەژنی ڕەمەزان کۆدەبێتەوە.
نەبەز ئیسماعیل، وتەبێژی وەزارەتی ئەوقاف
ڕایگەیاند: "لەگەڵ ئاوابوونی خۆردا، لیژنەی باڵا بە هەماهەنگی لەگەڵ لیژنە
لاوەکییەکان لە پارێزگاکان، دەست بە چاودێریکردنی بینینی مانگ دەکەن و دواتر بڕیاری
کۆتایی دەدرێت."
ئەگەر ئەمشەو مانگ ببینرێت، سبەی پێنجشەممە
19-3-2026 یەکەم ڕۆژی جەژن دەبێت. بەڵام ئەگەر مانگ نەبینرا، ڕۆژی پێنجشەممە تەواکەری
مانگی ڕەمەزان دەبێت و ڕۆژی هەینی 20-3-2026 دەبێتە یەکەم ڕۆژی جەژنی ڕەمەزانی پیرۆز.
بۆ ئەم مەبەستە، لیژنەکانی چاودێری لە
چەندین خاڵی ستراتیژی جێگیر کراون، لەوانە:
شاخی گڵەزەردە لە سلێمانی،
چیای زاوا لە دهۆک،
ناوچەکانی حاجی ئۆمەران و ڕەواندز و
پارێزگای هەڵەبجە.