پەرلەمانتارێکی پارتی: حکومەتی عێراق دەیەوێت مووچەی دوو مانگ نەنێرێت
07:32 - 31/08/2025
زەمەن پرێس:
پەرلەمانتارێکی پارتى لە پەرلەمانى عێراق دەڵێت: حکومەتی عێراق بە
پیلان دەیەوێت مووچەی خەڵکی کوردستان دوا بخات تا دوای هەڵبژاردن مووچەی دوو مانگی
ئەمساڵ نەنێرێت.
شێروان دووبەردانی، ئەندامی پەرلەمانی عێراق رایگەیاند، هەندێک
لەلایەنە کوردستانییەکان ڕۆڵیان لە دروستکردنی کێشەکە هەیە کە بە دەنگی
مووچەخۆرانی هەرێمی کوردستان چونەتە بەغدا، ئەو لایەنە کوردیانە بوونەتە پارێزەری
بەغدا دژی شایستەکانی هەرێمی کوردستان.
وتیشی: ناردنی مووچەی مانگی شەش لەلایەن
بەغداوە، وەک نیشاندانی نیازپاکییە بۆ هەرێمی کوردستان، وا نیشان دەدات خێر بە
هەرێمی کوردستان دەکات، نەوەک مافێکی دەستووری و یاسایی بە هەرێمی کوردستان بدات.
ئەو پەرلەمانتارەی پارتى ئاماژەى بەوەشکرد،
حکومەتی عێراق بە پیلان دەیەوێت مووچەی خەڵکی کوردستان دوا بخات تا دوای هەڵبژاردن
مووچەی مانگەکانی تەمموز و ئابی مووچەی مووچەخۆرانی هەرێمی کوردستان نەنێرێت.