دۆخی ناوچه‌كه ئارام بووه‌وه‌و گەشتە ئاسمانییەکانی ئێران ڕۆژی شەممە دەستپێدەکاتەوە
11:27 - 04/07/2025
زه‌مه‌ن - هه‌واڵه‌كان
ئێران ڕایگەیاند،
سەرجەم فڕۆکەخانەکانی ئەو وڵاتە جگە لە فڕۆکەخانەی ئیسفەهان و تەورێز، لە ڕۆژی شەممەوە
گەشتە ئاسمانییەکانیان بە ڕۆژ دەستپێدەکەنەوە.
ئه‌مڕۆ هه‌ینی بەپێی بڕیاری کۆمیتەی
هەماهەنگی دەسەڵاتی فڕۆکەوانیی مەدەنی ئێران، هەردو فڕۆکەخانەی "میهربائاد"
و "ئیمام خومەینی"ی تاران و سەرجەم فڕۆکەخانەکانی سەرانسەری ئێران، جگە
لە فڕۆکەخانەی ئیسفەهان و تەورێز لە ڕۆژی شەممەوە، گەشتەکانیان دەستپێدەکەنەوە.
ئاماژەی بەوەشكرد،
گەشتەكان تەنها بە ڕۆژ ئەنجامدەدرێن و فڕۆكەخانەكان لە کاتژمێر 5:00ی بەیانی تا
6:00ی ئێوارە كراوەدەبن بە ڕوی فڕۆكەدا. هەروەها فرۆکەخانەکانی ئیسفەهان و تەوریز،
پاش ئامادەبونی ژێرخانەکانیان و لە ئەگەری نەمانی هەمو بەربەستەکان، تێکەڵ بە سیستەمی
فڕۆکەوانیی ئیران دەکرێنەوە.
ڕۆژی 26ـی مانگی
ڕابردو وەزارەتی گواستنەوەی ئێران بڵاویکردەوە، لە رۆژهەڵاتی وڵاتەکەدا گەشتە
ئاسمانییەکان دەستیانپێکردوەتەوە و بڕیارەکە تەنها ئەو گەشتە ناوخۆیی و نێودەوڵەتییانە
دەگرێتەوە کە دەچن بەرەو فڕۆکەخانەکانی بەشی رۆژهەڵاتی ئێران یان لەو ناوچانەوە دەگەڕێنەوە.