18 جیهان

سەرۆکی جەهەپە: ئاشتی لە تورکیا بە کردار درووست دەبێت، نەک بە قسە

06:36 - 02/07/2025

زەمەن پرێس:
ئۆزگور ئۆزەل، سەرۆکی گشتیی پارتی گەلی کوماری (جەهەپە) جەختی لەسەر پێویستی درووستبوونی تورکیایەکی دیموکرات و ئاشتیخواز کردەوە و ڕایگەیاند: ئاشتی لە تورکیا بە کردار درووست دەبێت، نەک بە قسە.
ئەمڕۆ چوارشەممە ئۆزگور ئۆزەل، سەرۆکی گشتیی پارتی گەلی کوماری (جەهەپە) لە گردبوونەوەیەکی پارتەکەیدا لە ئیستەنبووڵ وتارێکی پێسکەش کرد و لەبارەی پڕۆسەی ئاشتییەوە ڕایگەیاند: “ئێمە تورکیایەکی دیموکراسیمان دەوێت، بەڵام ئەمە تەنیا بە قسەکردن نایەتە ئاراوە.”
سەرۆکی جەهەپە جەختی کردەوە لەسەر گرنگی ئەوەی کە لەمەودوا پارەی وڵاتەکە پێویستە لە جیاتی شەڕ، بۆ خزمەتگوزارییەکان و لەپێناو ژیانی خەڵکدا خەرج بکرێت.
ئۆزەل لەبارەی پڕۆسەی نوێی ئاشتی لە تورکیا و باکووری کوردستان وتی: “بێگومان جەهەپە دەیەوێت شەڕ کۆتایی بێت و ئارامی بێتە ئاراوە، هەروەها ئیتر دایکان نەگرین و پارەی ئەم وڵاتەش لە بری شەڕ بە خزمەتگوزاری بدرێت.”

سۆشیال میدیا

ڕۆژنامەی زەمەن