ئێران هەڕەشەى زیاتر لە ئیسرائیل دەکات و هۆشداری دەداتە جیهان

07:16 - 14/06/2025

زەمەن پرێس:

بەرپرسانى باڵای سەربازی ئێران جەخت لەسەر بەردەوامی هێرشەکانیان بۆسەر ئیسرائیل دەکەنەوە و دەشڵێت: تازە جەنگی جیهانی سێیەم دەستی پێکرد.
بەرپرسانى باڵای سەربازی ئێران رایانگەیاند، ئەمە جەنگە بەردەوام دەبێت و داوای لە هاوڵاتییانى وڵاتەکەى کرد خۆیان بۆ جەنگی جیهانی سێیەم ئامادە بکەن، جەختیشیانکردەوە، بە هەموو چەکێکی قورس لە ئیسرائیل دەدەن و ناوەستن.
لەبەرامبەردا وتەبێژی سوپای ئیسرائیل، چیتر تاران پارێزراو نییە و ئێستا رێگای ئێران بەڕووماندا کراوەیە، ئێران کۆتایی هاتووە، بەڵام نازانین چەند دەخایەنێت.
بەرەبەیانی ڕۆژی هەینی رابردوو ئیسرائیل لەناکاو هێرشی کردە سەر بنکە ئەتۆمییەکانى ئێران و چەندین پێگەى دیکەى سەربازیی ئەو وڵاتە، لەبەرامبەریشدا شەوی ڕابردوو ئێران بە چڕی وەڵامی هەڕەشەکانى ئیسرائیلی دایەوە و تەلئەبیبی بۆردوومانکرد.
ئێران ئاماری زیانە گیانییەکانى خۆی بڵاوکردەوە و دەڵێت، ٨٠ کەس کوژراون و ٣٢٠ی دیکە بریندار بوون، لەنێو کوژراوەکاندا، فەرماندە هەرە باڵاکانی وەک حسێن سەلامی و محەممەد باقری کە بزوێنەری هێزی سەربازی ئێرانن لەگەڵ شەش گەورە زانای ئەتۆمیدا کوژراون.