پەکەکە: تا ئۆجەلان ئازاد نەکرێت چەک دانانێین
09:45 - 27/05/2025
زەمەن - کوردستانى
بەسێ هۆزارت، هاوسەرۆکی دەستەی بەڕێوەبەری کەجەکە رایگەیاند، دەسەڵاتدارانی تورکیا کات بە فیڕۆ دەدەن، دەشڵێت، تا ئۆجەلان ئازاد نەکرێت پەکەکە چەک دانانێت.
بەسێ هۆزاتلە چاوپێکەوتنێکى تەلەفزیۆنیدا رایگەیاند، پرۆسەی هەڵوەشاندنەوە و چەکدانانی پەکەکە، بەبێ ڕێکخستنی یاسایی و دادوەری و ڕەخساندنی زەمینەی کارکردنی ئازادانەی ئۆجەلان، بە شێوەیەکی دروست بەرەو پێش ناچن.
گوتیشى، پێویستە گۆڕانکاری لەبەشێک لە یاساکان بکرێت و مەرجەکانی کارکردنی ئازادانەی ئۆجەلان فەراهام بکرێت، ئەگەر ئۆجەلان بە ئازادانە ئەم پرۆسەیە بەڕێوە نەبات، بڕیاری هەڵوەشاندنەوەی پەکەکە و کۆتاییهێنان بە خەباتی چەکداری نابێتە شتێکی کردەیی و جێبەجێ ناکرێت.
ئەو بەرپرسەى کەجەکە باسى لەوەش کردووە، دەسەڵاتدارانی تورکیا لەبارەی پرۆسەکە جیددی نینە و تەنها کات بەفیرۆ دەدەن. داوکارییەکی دیکەی ئێمە ئەوەیە، تورکیا پێویستی بە دەستوورێکی دیموکراسی هەیە کە دان بە ناسنامەی هەموو هاووڵاتییانی کۆمەڵگەدا بنێت.