سبەی پلەی گەرما دەگاتە ٤٢ پلە
03:04 - 20/05/2025
زەمەن _ هەرێمی کوردستان
کەشناسی ڕایگەیاند: خۆڵبارین بەردەوامدەبێت و سبەینێ پلەی گەرمی بەرزدەبێتەوە بۆ ٤٢ پلەی سیلیزی.
ئەمڕۆ سێشەممە، ٢٠ی ئایاری ٢٠٢٥، بەڕێوەبەرایەتی گشتی کەشناسی و بومەلەرزەزانی هەرێم کەشی ٤٨ کاتژمێری بڵاوکردەوە و ئاشکرایکرد، ئەمڕۆ ئاسمان ساماڵ و پەڵەهەور دەبێت، لەگەڵ بوونى تۆزێکى سووک لە کەشدا لەهەندێک ناوچە، پلەی گەرمی بەگشتی بە (١-٣) پلەى سیلیزى بەراورد بە تۆمارەکانی دوێنێ نزمدەبێتەوە.
لەبارەی کەشی سبەی چوارشەممەوە کەشناسی ئاماژەی بەوەداوە، ئاسمان ساماڵ و پەڵەهەور دەبێت، پلەی گەرمی بە (١-٣ ) پلەى سیلیزى بەرزدەبێتەوە.
بەرزترین پلەی گەرمیی پێشبینیکراو بە پلەی سیلیزی:
هەولێر: 36 پلەی سیلیزی
سلێمانی: 35 پلەی سیلیزی
دهۆک: 36 پلەی سیلیزی
کەرکوک: 40 پلەی سیلیزی
زاخۆ: 36 پلەی سیلیزی
هەڵەبجە: 37 پلەی سیلیزی
سۆران: 33 پلەی سیلیزی
حاجی ئۆمەران: 23 پلەی سیلیزی
گەرمیان: 42 پلەی سیلیزی