کەسێک خوشکەکەى بە 11 گوللـە کوشت و زاواکەشى بریندارکرد
09:15 - 30/09/2024
زەمەن - کوردستانى
ئەمشەو کەسێک لە قازاى ئاکرێى سەربە پارێزگاى دهۆک، خوشکێکى خۆى کوشتووە و زاواکەشى بریندارکردووە.
نێچیرڤان هەرکی، گوتەبێژی تەندروستیی ئاکرێ لەوبارەیەوە رایگەیاند، رووداوەکە لە گەڕەکى قاچاخاڤای سەنتەری قەزای ئاکرێ روویداوە، کەسێک تەقەی لە خوشک و زاوای خۆی کردووە، "11 گوللە بەر خوشکی کەوتوون و دەستبەجێ گیانی لەدەستداوە. زاواکەش بریندار بووە."
راشیگەیاند، زاواکە بە برینداری بۆ نەخۆشخانەی فریاکەوتنی دهۆک گواستراوەتەوە. خوشکی تۆمەتبارەکە تەمەنی 40 ساڵە و هاوژینەکەیش تەمەنی نزیکەی 50 ساڵە."
تاوەکو ئێستا هۆکاری تەقەکردنەکە و کوشتنی ئەو ژنە دیار نییە، تۆمەتبارەکەش هەڵاتووە و تائێستا دەستگیرنەکراوە.