ئاگادارییەک لە هاتووچۆى هەولێرەوە بۆ شۆفێران
12:22 - 26/06/2024
زەمەن - کوردستانى
هاتوچۆی هەولێر داوا لەو شۆفێرانە دەکات کە تابلۆی گەشتکردنیان لە ئۆتۆمبێلەکانیان بەستووە، تابلۆکە بگەڕێننەوە بۆیان.
بەڕێوەبەرایەتیی هاتوچۆی هەولێر لە راگەیەندراوێکدا بڵاویکردەوە، ئاگاداری ئەو هاوڵاتییانە دەکەینەوە کە تابلۆی گەشتکردن بۆ دەرەوەی وڵاتیان بۆ ئۆتۆمبێلەکانیان وەرگرتووە، تابلۆکە بگەڕێننەوە بۆ بەڕێوەبەرایەتییەکەمان و تابلۆى نوێ بۆ ئۆتۆمبێلەکانیان وەربگرن.
ئاماژەی بەوەشکرد، کاتێک ئەم تابلۆی گەشتکردنە درا بە ئۆتۆمبێلەکان نەدەتوانرا ئۆتۆمبێل بە تابلۆ کۆنەکان گەشتی دەرەوەی ووڵات بکرێت، بەڵام لەئێستادا تابلۆی نوێ نێودەوڵەتییە و هیچ کێشیەکی نییە بۆ گەشتکردن بۆ دەرەوەی وڵات.
جەختیشیکردەوە، لە ئەمڕۆوە هەتا یەک مانگ مۆڵەت لەبەردەم شۆفێراندایە بۆ گەڕاندنەوەی ئەو تابلۆیانە.