مەسرور بارزانی پەیامێکی بڵاوکردەوە
09:40 - 11/07/2019
199 جار خوێندراوەتەوە
"زەمەن"
سەرۆکی حکوومەتی هەرێمی کوردستان پەیامێکی لەبارەی تەقینەوەکانی ئەمڕۆی شارەکانی ڕۆژئاوای کوردستان بڵاو کردەوە.
مەسرور بارزانی، سەرۆکی حکوومەتی هەرێمی کوردستان پەیامێکی بە بۆنەی تەقینەوەکانی ئەمڕۆی شارەکانی رۆژئاوای کوردستان بڵاوکردەوە و رایگەیاند، "بە توندی ئیدانەی ئەو تەقینەوە تیرۆرستیانەی ئەمڕۆی شارەكانی عەفرین و قامشلۆ و حەسەكە دەكەم، كە ژمارەیەك هاووڵاتی سڤیل گیانیان لە دەستدا و ژمارەیەكی زۆریش بریندار بوون. سەرەخۆشی و ھاوخەمی خۆم ئاراستەی كەسوكاری قوربانییەكان دەکەم و هیوای چاكبوونەوە بۆ بریندارەكان دەخوازم".
دەشڵێت: ئەو كردەوە تیرۆیستیانە ئەوە دووپاتدەكەنەوە، كە تیرۆ و تیرۆرستان یەك ئامانجیان هەیە و دژ بە مرۆڤایەتی و هەموو ئایین و ئاینزا و ژیان و شارستانییەتن.
دەقی پەیامەکەى مەسرور بارزانی:
پەیامێکی هاوخەمی له سەرۆکی حكوومەتی هەرێمی كوردستان
بە توندی ئیدانەی ئەو تەقینەوە تیرۆرستیانەی ئەمڕۆی شارەكانی عەفرین و قامشلۆ و حەسەكە دەكەم، كە ژمارەیەك هاووڵاتی سڤیل گیانیان لە دەستدا و ژمارەیەكی زۆریش بریندار بوون. سەرەخۆشی و ھاوخەمی خۆم ئاراستەی كەسوكاری قوربانییەكان دەکەم و هیوای چاكبوونەوە بۆ بریندارەكان دەخوازم.
ئەو كردەوە تیرۆیستیانە ئەوە دووپاتدەكەنەوە، كە تیرۆ و تیرۆرستان یەك ئامانجیان هەیە و دژ بە مرۆڤایەتی و هەموو ئایین و ئاینزا و ژیان و شارستانییەتن.
مه‌سرور بارزانی
سه‌رۆکی ئه‌نجومه‌نی وه‌زیرانی هه‌رێمی كوردستان