بارزانی له‌باره‌ی كورسی كۆتاكانه‌وه هۆشداری ده‌دات
02:20 - 25/01/2023
"زەمەن"
مەسعود
بارزانی، سه‌رۆكی پارتی دیموكراتی كوردستان، هۆشداری له‌باره‌ی كورسی كۆتاكانه‌وه
هۆشداری ده‌دات و ده‌ڵێت دەبێ
ڕەچاوی ئیرادە و بەرژەوەندیی پێکھاتەکان بکرێت
مه‌سعود
بارزانی لە سەلاحەددین لەگەڵ جێنین پلاسخارت، نوێنەری سکرتێری گشتی ڕێکخراوی
نەتەوە یەکگرتووەکان لە عێراق کۆبووەوە.
بە گوێرەی راگەیەندراوێکی
بارەگای بارزانی لە دیدارەکەدا بارودۆخی سیاسی ناوچەکە و
پەیوەندییەکانی نێوان حکومەتی ھەرێم و حکومەتی فیدراڵی عێراق و ھەوڵەکان بۆ
چارەسەرکردنی کێشەکانی نێوان ھەرێم و بەغدا تاوتوێ کران. ھەروەھا جەخت لە پێویستیی
جێبەجێکردنی ڕێککەوتننامەی نێوان حکومەتی ھەرێم و حکومەتی فیدرال لەبارەی
ئاساییکردنەوەی دۆخی شنگال و گەڕانەوەی ئاوارەکان کراوه‌ته‌وه.
باره‌گای
بارزانی ده‌ڵێت بارودۆخی سیاسی ھەرێم تەوەرێکی تری ئەو دیدارە بوو و پەیوەست بە
بابەتی هەڵبژاردن، سەرۆک بارزانی ئەوەی دووپاتکردەوە کە "بەلای پارتی
دیموکراتی کوردستانەوە هەڵبژاردن بنەماو پڕەنسیپێکی نەگۆڕە بۆ شەرعیەت و حوکمڕانی،
پێویستە ھەڵبژاردنەکانی هەرێم لە کاتی خۆیدا بەڕێوەبچیت".
له‌باره‌ی
كوری كۆتاكانیشه‌وه، بارزانی جەختی لەوە کردەوە کە دەبێ ڕەچاوی ئیرادە و
بەرژەوەندیی پێکھاتەکان بکرێت و بۆ بابەتی مافەکانیان لە ھەڵبژاردن نابێت لە
دەرەوەی ئیرادەی پێکھاتەکان ھیچ شێواز و فۆڕمۆڵێک بەسەر پێکهاتەکانی کوردستان
بسەپێندرێت.
ئه‌وه‌ش
له كاتێكدایه لایه‌نه‌كان له‌سه‌ر پرسه‌كانی په‌یوه‌ست به هه‌ڵبژاردنی په‌رله‌مانی
كوردستان ناكۆكن، له‌وانه كاراكردنه‌وه‌ی كۆمسیۆن، یاسای هه‌ڵبژاردن، كورسی
پێكهاته‌كان.