کوردستان

وه‌زاره‌تی دارایی گشتاندنی خه‌رجی و داهاتی 2023ی بڵاوكرده‌وه‌

08:18 - 24/01/2023 77 جار خوێندراوەتەوە

"زەمەن"


وه‌زاره‌تی دارایی و ئابوری حكومه‌تی هه‌رێمی كوردستان، گشتاندنی تایبه‌ت به‌ خه‌رجی و داهاتی ساڵی 2023 بڵاوكرده‌وه‌، كه‌ نه‌سریه‌ و سوته‌مه‌نی و به‌خشینی مانگانه‌ بۆ داموده‌زگاكان خه‌رج ده‌كرێت.


وه‌زاره‌تی دارایی ئه‌مڕۆ سێشه‌ممه‌، گشتاندنی دارایی ژماره‌ (2)ـی تایبه‌ت به‌ خه‌رجی و داهاتی ساڵی 2023 بڵاوكرده‌وه‌و ئاراسته‌ی گشت وه‌زاره‌ت و فه‌رمانگه‌كانی نه‌به‌ستراو به‌ وه‌زاره‌ته‌كان كراوه‌.

له‌ خاڵێكیدا هاتووه‌ پاره‌ی مانگانه‌ی خواردنی نه‌خۆشخانه‌ و خواردنی به‌ندیه‌كان و خاوێنكردنه‌وه‌ی شارو شارۆچكه‌كان وفڕۆكه‌خانه‌كان و جیا له‌ پێشینه‌ی به‌رده‌وامی مانگانه‌ی فه‌رمانگه‌كان خه‌رجده‌كرێت.

وه‌زاره‌تی دارایی، باسیله‌وه‌شكردووه‌، ته‌نیا تا بڕی دوو ملیۆن و 500 هه‌زار دینار له‌ڕێگه‌ی لیژنه‌كانی كڕینه‌وه‌ ئه‌نجامده‌درێت و تا بڕی 100 ملیۆن دینار، پێویسته‌ له‌ڕێگه‌ی لیژنه‌ی كڕین بوونی سێ ده‌رخسته‌وه‌‌ (عرض) هه‌بێت و له‌و بڕه‌ش زیاتر پێویسته‌ له‌ڕێگه‌ی كه‌مگه‌رییه‌وه‌ (مناقصه‌) بۆ كڕین و ئه‌نجامدانی پرۆژه‌كان ئه‌نجامبدرێت.

 

سۆشیال میدیا

ڕۆژنامەی زەمەن