راگه‌یه‌ندراوێكی به‌په‌له له مه‌سرور بارزانییه‌وه
07:48 - 07/12/2022
"زەمەن"
مه‌سرور
بارزانی، سه‌رۆكی حكومه‌تی هه‌رێم، نیگه‌رانی خۆی نیشانده‌دات له پەلاماردانی جوتیارانی کورد لە
سنووری قەزای داقوق-ی سەر بە پارێزگای کەرکوک.
ده‌قی راگه‌یه‌ندراوه‌كه:
پەلاماردانی جووتیارانی کورد لە
سنووری قەزای داقوق-ی سەر بە پارێزگای کەرکووک، مایەی ئەوپەڕی نیگەرانییە. داوا لە
بەڕێزان سەرۆک کۆماری عێراق و سەرۆک وەزیران و سەرۆکی ئەنجومەنی نوێنەرانی فیدرال
دەکەم بە پەلە کۆتایی بە پەلاماردان و دەستدرێژیکردنە سەر جووتیارانی کورد لە
سنووری داقوق و ناوچەکانی دیکەی کەرکووک بهێنن کە لەلایەن کەسانی دەستڕۆیشتووەوە
ئەنجام دەدرێت و بە شێوەیەکی نایاسایی هەوڵی دەرکردنی کورد و دەستبەسەرداگرتنی
زەویەکانییان دەدەن.
ئەم ڕەفتارانە دژی بنەماکانی بەیەکەوەژیانی
ئاشتییانە و بڕگەکانی ماددەی 140ی دەستووری هەمیشەیی عێراقن و پێویستە دەزگا
پەیوەندیدارەکانی حکومەتی فیدرال ، سنوورێک بۆ ئەم پێشێلکارییانە دابنێن.
مەسرور بارزانی
سەرۆکی حکومەتی هەرێمی کوردستان