وه‌زاره‌تی په‌روه‌رده ڕه‌تیده‌كاته‌وه داهاتی حانوته‌كانی سلێمانی بگه‌ڕێته‌وه هه‌ولێر
02:50 - 07/12/2022
81 جار خوێندراوەتەوە
"زەمەن"
وەزارەتی پەروەردەی حکومەتی هەرێمی کوردستان،
وه‌ڵامی په‌رله‌مانتاری یه‌كێتی كاروان گه‌زنه‌یی ده‌داته‌وه، كه رایگه‌یاندبوو داهاتی حانوته‌كانی سلێمانی ده‌گه‌ڕێته‌وه هه‌ولێر،
وه‌زاره‌ت ده‌ڵێت: هەموو لایەک دڵنیا دەکەنەوە ئەو قسەیەی کاروان گەزنەیی ناڕاستە
هیچ بنەمایەکی نییە، داهاتی فرۆشگە (حانوت)ی قوتابخانەکانی سلێمانی و هەڵەبجە و ئیدارەی
راپەڕین و تەنانەت دهۆکیش نەگەڕاوەتەوە بۆ هەولێر.
دەقی راگەیەندراوی وەزارەتی پەروەردە:
لامان باشبوو بەڕێز کاروان گەزنەیی پەرلەمانتاری
کوردستان بە زانیاری وردەوە لەسەر داهاتی فرۆشگەی (حانوت) قوتابخانە و خوێندنگەکان
لێدوان بدات، بەڵام بەداخەوە بێ هەبوونی دەڵێت ((تەنانەت داهاتی حانوتی خوێندنگەکانیش
دەچێتەوە بۆ هەولێر)) ، هەموو لایەک دڵنیا دەکەینەوە ئەو قسەیەی بەڕێز (کاروان گەزنەیی)
ناڕاستە هیچ بنەمایەکی نییە، داهاتی فرۆشگە (حانوت)ی قوتابخانەکانی سلێمانی و هەڵەبجە
و ئیدارەی راپەڕین و تەنانەت دهۆکیش نەگەڕاوەتەوە بۆ هەولێر:
داهاتی فرۆشگەی (حانوت)ی قوتابخانەکانی پەروەردەی
گشتیی سلێمانی بۆ ئەمساڵی خوێندن ٢٠٢٢-٢٠٢٣ بریتی بووە لە (3٫910٫023٫000)سێ ملیار
و نۆسەد و دە ملیۆن و بیست و سێ هەزار دینار، بەڕێوەبەرایەتی گشتیی هەڵەبجە بریتی
بووە لە (219٫000٫000) دووسەد و نۆزدە ملیۆن دینار، بەرێوەبەرایەتی گشتیی پەروەردەی
گەرمیان بریتی بووە لە (462٫714٫000)چوارسەد و شەست و دوو ملیۆن و حەفت سەد و
چواردە هەزار دینار، بەرێوەبەرایەتی گشتیی پەروەردەی راپەڕین بریتی بووە لە
(546٫722٫000) پێنج سەدو چل و شەش ملیۆن و حەفت سەدو بیست و دوو هەزار دینار، ئەو
پارانە نە هاتووەتە هەولێر.
لەبەر دەستی بەرێوەبەرایەتییە گشتییەکانی پەروەردەی
سلێمانی و هەڵەبجە و گەرمیان و راپەرین بووە و بە گوێرەی رێنمایی ژمارە(1) ساڵی
(2022) پارەکەیان وەرگرتووە لای خۆیان و دابەشیانکردووەتەوە بەسەر ناوەندەکانی خوێندن
و ئەوەی دیکەش بووەتەوە داهات بۆ پەروەردەکان بۆ ئەوەی بۆ بابەتی راهێنان و چالاکی
وەرزشی و هونەری و پێداویستیەکانی پەروەردەکان و ناوەندەکانی خوێندن خەرجی بکەن، تەنانەت ئەمە بۆ پەروەردەی گشتیی دهۆک و زاخۆ و
سۆرانیش بەهەمان شێوەیە، بە نموونە پارەی فرۆشگەی قوتابخانەکانی دهۆکیش نایەتەوە بۆ
هەولێر، سلێمانی و پارێزگاکانی دیکەش بەهەمان شێوەن.