عیراق

گه‌وره‌ترین په‌لاماری داعش؛ (11) سه‌ربازی عێراقی كوشت و چه‌ندینیشی برینداركرد

10:37 - 21/01/2022 86 جار خوێندراوەتەوە

زه‌مه‌ن - عێراقی

 لە خۆرئاوای شارۆچکەی عوزێم لە پارێزگای دیالە، تیرۆریستانی داعش پەلاماری سوپای عێراقیاندا و بەھۆیەوە ١١ سەربازی سوپا کوژران و چه‌ندینیش برینداربوون.

میدیاكانی عێراق بڵاویانكرده‌وه‌ كه‌ بەھۆی پەلامارەکەی داعشه‌وه‌؛ ئه‌فسه‌رێك و ١٠ سەربازی عێراق کوژران و ژمارەیەکیشان بریندار بوون، دواتر ھێزی پشتیوانی سوپای عێراق چوونە شوێنی رووداوەکە و تیرۆریستانی داعش بەرەو شوێنێکی نادیار ھەڵاتن.

روداوه‌كه‌ لە نێوان گوندی تاڵیعە و ئوم کەڕامی لە شارۆچکەی عوزێمی سەر بە پارێزگای دیالە رویداوه‌و، تیرۆریستانی داعش بە چەکی قەناس و مامناوەند پەلاماری فەوجی یەکی لیوای دووی سوپای عێراقیاندا.

له‌دوای كۆتایپێهێنانی داعش له‌عێراق له‌ ساڵی 2015وه‌، ئه‌وه‌ گه‌وره‌ترین گورزه‌، كه‌ تیرۆریستانی داعش، له‌ سوپای عێراق و هێزی پێشمه‌رگه‌ی بده‌ن.


سۆشیال میدیا

ڕۆژنامەی زەمەن