چەند گەڕەکێکى هەولێر بێ ئاو دەبن
01:19 - 13/12/2021
زەمەن_هەولێر
بەهۆى شکانى بۆری
ئاوی ئیفراز سێ، بەشێک لە گەڕەکەکانی هەولێر بێ ئاو دەبن.
بەگوێرەی راگەیەندراوێکی وەزارەتی شارەوانی "بە هۆكارێكی تەكنیكی بۆری ئاوی ئیفراز سێ لە شاری هەولێر شكاوە، تیمەكانی بەڕێوەبەرایەتیی ئاو و ئاوەڕۆی هەولێر سەرقاڵی چاككردنەوەی بۆرییەكەن.
ئەندازیار ئاری ئەحمەد، بەڕێوەبەری گشتیی ئاو و ئاوەڕۆ لە وەزارەتی شارەوانی و گەشتوگوزار لەبارەی وادەی چاككردنەوەی بۆرییەكە رایگەیاند: "دوای ئەوەی بە هۆكارێكی تەكنیكی بۆری پڕۆژەی ئاوی ئیفراز سێ لە شاری هەولێر شكا، دەسبەجێ تیمەكانی چاككردنەوە چوونەتە شوێنەكە و دەستیان كردووە بە چاككردنەوەی بۆرییەكە".
وتیشی: "ئێستا تیمەكانی چاككردنەوە لەوێن و لە ماوەیەكی نزیكدا ئەو كێشەیە چارەسەر دەبێت و بۆرییەكە چاك دەكرێتەوە".
بۆری ئاوی ئیفراز سێ گەورەترین بۆری گواستنەوەی ئاوە بۆ ناو شاری ھەولێر، ئاوی زۆربەی گەڕەکەکانی هەولێر لە رێگەی ئەو بۆرییەوە دابین دەکرێت. لە ماوەی رابردوودا چەندین جار ئەو بۆریە شکاوە.