زانیارى نوێ لەبارەى بەنزینە ٦٩٠ دینارییەکە
01:33 - 12/12/2021
زەمەن_سلێمانى
نزیکەى
هەفتەیەکە بەغدا ناردنی بەنزینی بۆ هەرێمی كوردستان و سلێمانی ڕاگرتوە
و بڕیارە سامانە سروشتییەکانی هەرێم ئەو بڕەى بەغدا دابین بکات.
بەهمەن شێخ قادر
وتەبێژی بەنزینخانەكانی سلێمانی بە "زەمەن"ى ڕاگەیاند، جارێکى دیکە بەغداد
ناردنی بەنزینە 690 دینارییەكەی ڕاگرتووە، پێدەچێت هۆكارەكە پەیوەندیی بە بەغدا
خۆیەوە هەبێت و كێشەی تەكنیكی، یان كەمی بڕی بەنزین بێت لە ناوەند.
وتیشى، وەزارەتی
سامانە سروشتییەکانی هەرێمی کوردستان، بەڵێنی داوە ئەو بڕە بەنزینەی بەغدا
دەینارد بەهەمان نرخ دابین بکات، ئەو وێستگانەش دیاریکراون کە بەنزینەکەیان بۆ دەنێردرێت،
بەڵام تائێستا هیچ بڕە بەنزینێک لە سامانە سروشتییەکانەوە نەهاتووە.
بەهمەن شێخ قادر
ئاماژەى بەوەشکرد، پێشتر بڕیاربوو بەغدا ڕۆژانە یەك ملیۆن لیتر بەنزین ڕەوانەی هەرێمی
كوردستان بكات، بەڵام بڕەکە کەمى کرد و نزیكەی نیوەی ئەو بڕەی دەنارد كە ڕێككەوتن
كرابوو لەسەری.