قایمقامیەتی کەلار سزادانى 50 شوێنکاری راگەیاند
11:31 - 12/12/2021
زەمەن_کەلار
لە سنووری قەزای
کەلار تەنها لە ماوەی مانگێکدا لیژنە هاوبەشەکانی قایمقامیەت بە هۆی سەرپێچی و پابەندنەبوو
بە ڕێنماییەکان 50 شوێنکار بە داخستن یان غەرامەکردن سزا دەدەن.
راگەیاندنی قایمقامیەتی
قەزای کەلار لە راگەیەنراوێکدا بڵاویکردەوە، لیژنە هاوبەشەکانی قایمقامیەتی قەزای
کەلار شەو و ڕۆژ لە پێناو پاراستنی تەندروستی هاوڵاتیان و جێبەجێکردنی رێنماییەکان
سەردان و پشکنین لە سنووری قەزای کەلاری ناوەندی ئیداری گەرمیان.
دەشڵێت، "لەو
چوارچێوەیەدا لە ماوەی مانگی 11 لیژنە هاوبەشەکان 295 هەڵمەتی سەردان و پشکنینیان
ئەنجام داوەو تیایدا دوو هەزار و 965 شوێنکار پشکنینیان بۆ کراوە."
باسی لەوەشکردووە
کە "هەر لەو ماوەیەدا بە هۆی سەرپێچی و پابەند نەبوو بە رێنماییەکان 43 شوێن
غەرامەکراون و حەوت شوێنی تر داخراون".
ئاماژەى
بەوەشکردووە، هەر لەو ماوەیەدا 270 کیلۆ خۆراکی بەسەرچوو دەستی بە سەردا گیراوە و
دوو تۆن و 740 کیلۆگرامیش لە لایەن خاوەن کارەکان خۆیان رادەستی لیژنە جیاوازەکانی
قایمقامیەت کراوە.
