بڕیارێكی نوێ بۆ ئۆتۆمبێلی مهلیكه دهرچوو
04:52 - 09/12/2021
زهمهن_عێراق
بەڕێوەبەرایەتی ھاتوچۆی گشتی عێراق رایگەیاند، بڕیاری ژمارە ٤٨ ھاوکاری
خاوەن ئۆتۆمبێلەکانی مەلیکە دەکات و دوو بژاردەیان ھەیە یان تابلۆیان بۆ بکڕن یان
دۆسییەکانیان دەبەسترێت و ناتوانن ھیچ مامەڵەیەکیان بۆ بکرێت.
حەیدەر کەریم بەڕێوەبەری پەیوەندییەکانی ھاتوچۆی عێراق ئەمڕۆ پێنجشەممە، بە
ئاژانسی فەرمی ھەواڵی عێراقی راگەیاند، ئەو ھاوڵاتییانەی خاوەنی ئۆتۆمبێلی مەلیکە
و ھاوشێوەکانیانن دەتوان سود لە بڕیاری ٤٨ وەربگرن.
وتیشی، بەگوێرەی بڕیارەکە ھاتوچۆ
بەنیازە سەرجەم ئۆتۆمبێلەکانی مەلیکە و ھاوشێوەکانی تۆمار بکات و له ئێستادا ھاتوچۆ
دەستی کردووە بە تۆمارکردنی ئەو جۆرە ئۆتۆمبێلانە بەشێوەیەکی فەرمی و یاسایی.
به وتهی ئهو بهرپرسهی هاتوچۆی عێراق، ئەوانەی ئۆتۆمبێلی مەلیکەیان
ھەیە دوو بژاردەیان لەبەردەمدایە، یان ئەوەتا تۆماریان دەکەن و تابلۆیان بۆ
وەردەگرن، یان مامەڵەکانیان دەبەسترێن "ترقین قید" و ناتوانن ھیچ
مامەڵەکیان پێوە بکرێت.
ئهوه له كاتێكدایه، له ههرێمی كوردستانیش ژمارهیهكی زۆر ئۆتۆمبێلی
بێ سهرهتا ههن بهتایبهت ئهو ئۆتۆمبێلانهی پێیان دهوترێت مهلیكه، تا ئێستا
هیچ بڕیارێك بۆ تۆماركردنیان دهرنهچووه.