ديندار زێبارى: خۆپیشاندانى خوێندکاران مۆڵەتى نەبووە
10:50 - 29/11/2021
زەمەن_هەرێمى کوردستان
ڕێکخەری ڕاسپاردە نێودەوڵەتییەکان لە حکومەتی هەرێمی کوردستان ڕایدەگەیەنێت،
ئهو خوێندكارانهى كه له چهند ڕۆژى ڕابردوو له ناوچه جیاوازهكانى ههرێم خۆپیشاندانیان
ئهنجامدا، مۆڵهتى فهرمییان نهبووه.
د.دیندار زێباری ڕێکخەری ڕاسپاردە نێودەوڵەتییەکان لە حکومەتی هەرێمی
کوردستان وەڵامی ڕێكخراو و ناوەندە جیهانییەكان دەداتەوە و له ڕاگهیهندراوێكدا
ئاماژهى بهوهكردووه، حکومەتی هەرێمی کوردستان پشتگیری لە داواکانی قوتابیان دەکات
بەشێوەیەکی هێمنانە و دوور لە توندوتیژی بێت.
زێبارى دەڵێت، حکومەتی هەرێم پشتگیریی لە گشت داوا ڕەواکانی هاوڵاتییان دەکات،
بهڵام لە هەرێمی کوردستان یاسایەکی تایبەت بە خۆپیشاندان هەیە و پێویستە پێشتر مۆڵەت
وەربگیرێت و دەزگا ئەمنییەکانیش لەلایەن خۆیانەوە ئەرکی پاراستنی خۆپیشاندەران و
ماڵ و موڵکی گشتی له ئەستۆ دەگرن لەکاتی ئەنجامدانی خۆپیشانداندا، خۆپیشاندانى
خوێندكارانیش پێشتر لایەنە پەیوەندیدارەکانیان لە ناڕەزایەتییەکانیان ئاگادار
کردووهتهوه، بەڵام مۆڵەتی فەرمییان نەبووه.
ڕێکخەری راسپاردە نێودەوڵەتییەکان باسى لەوەشکردووە، لە ئەنجامی خۆپیشاندانەکان
زیان بەر بەشێک لە ماڵ و موڵکی گشتی و بارەگای حزبەکان کەوتووە و هەندێک شوێن
سووتاون و هیچ قوربانییەکی گیانی نەبووە، بەڵام چەند کەسێک بریندار بوون لە کارمەندانی
پۆلیس و خۆپیشاندەران و چارەسەری پێویستیان بۆ کراوە.
دیندار زێبارى سەبارەت بە ڕێكاری لایەنە ئەمنییەکان و هەڵوێستیان بەرامبەر
بە خۆپیشاندەران دەڵێت ، لایەنە پەیوەندیدارەکان بە ئەرکی سەرشانی خۆیان هەستاون
کە بریتییە لە پاراستنی ئارامیی خۆپیشاندانەکان و پشتیوانیکردن لە داوا ڕەواکانیان
بەشێوەیەکی مەدەنی، لەلایەکی دیکەوە زانکۆ و دامەزراوە فەرمییەکان پشتیوانی لە
داوای قوتابیان دەکەن و داوا دەکەن کە خۆپیشاندەران بەشێوەیەکی ئاشتییانە گوزارشت
لە داواکانیان بکەن و هیچ لایەک پەنا نەبەنە بەر توندوتیژی.