وەزارەتی رۆشنبیری هەواڵی سوتاندنی کتێبخانەیەکی راگەیاند
06:41 - 24/11/2021
زهمهن_ههرێمی كوردستان
وەزارەتی رۆشنبیری ههرێم رایگهیاند، لەئەنجامی
ناڕەزایەتی قوتابیان و خوێنکارانی زانکۆ لەسنووری پارێزگای سلێمانی، کتێبخانەی گشتی
پیرەمەگرون سوتێنراوه.
له رونكردنهوهیهكدا وەزارەتی رۆشنبیری حكومهتی
ههرێم دهڵێت، ڕۆژی چوارشەممە 2012/11/24 لەئەنجامی ناڕەزایەتی قوتابیان و خوێنکارانی
زانکۆ لەسنووری پارێزگای سلێمانی، بەداخەوە دەستێکی گێرەشێوێن لە ناحیەی پیرەمەگرون
هەڵیانکوتاوەتە سەر چەند فەرمانگەیەک، لەناویاندا کتێبخانەی گشتی پیرەمەگرون، ئاگریان
تێبەرداوە.
ئاماژهی بهوهشكردووه، ئێمه "پشتیوانی هەموو
داوایەکی مەدەنییانەی چین و توێژەکانی کۆمەڵگەکەمانین، بەڵام بەتوندی سەرکۆنەی هەموو
کارێکی تێکدەرانە دەکەین".
دهقی رونكردنهوهكه:
ڕونکردنەوەیەک لەوەزارەتی ڕۆشنبیری و لاوانەوە
ڕۆژی چوارشەممە 2012/11/24 لەئەنجامی ناڕەزایەتی
قوتابیان و خوێنکارانی زانکۆ لەسنووری پارێزگای سلێمانی، بەداخەوە دەستێکی گێرەشێوێن
لە ناحیەی پیرەمەگرون هەڵیانکوتاوەتە سەر چەند فەرمانگەیەک، لەناویاندا کتێبخانەی
گشتی پیرەمەگرون، ئاگریان تێبەرداوە.
ئێمە لەوەزارەتی ڕۆشنبیری و لاوان پشتیوانی هەموو
داوایەکی مەدەنییانەی چین و توێژەکانی کۆمەڵگەکەمانین، بەڵام بەتوندی سەرکۆنەی هەموو
کارێکی تێکدەرانە دەکەین، بەتایبەتی سوکایەتی کردن بەئاڵای پیرۆزی کوردستان و ڕەمزو
سیمبولە نەتەوەییەکانمان و پەلاماری کتێبخانە،
کارێکی دوور لەڕەوشتی شارستانییە، ناکرێت بۆ بەدەستهێنانی خواست و داواکاری توێژێک،
فەرمانگەو دامەزراو و ئاڵا بکەونە بەر هێرش و سوتاندن و وێرانکاریی.
وتەبێژی وەزارەتی
ڕۆشنبیری و لاوان
2021/11/24