قوباد تاڵەبانى: مەرگەساتی شەنگال تاوانێکى قێزەون و نامرۆڤانەبوو
10:05 - 03/08/2021
.jpg)
زەمەن_هەرێمى کوردستان
جێگری سەرۆکی
حکومەتی هەرێمی کوردستان رایگەیاند، جینۆسایدی ئێزیدییەكاندا دەبێت هاندەری هەمووان
بێت بۆ ڕێگرتن لە دووبارەبوونەوەی كوشتنی جیاوازییەكان و بە كۆیلەكردن لەسەر بیروباوەڕ
و جیاوازی ناسنامە و ڕەچەڵەك، بۆ قەرەبووکردنەوەی ئێزدییەکانیش پشتیوانی هەموو هەنگاوە
ناوخۆیی و نێودەوڵەتییەکان دەکەن.
قوباد تاڵەبانی،
جێگری سەرۆکی حکومەتی هەرێمی کوردستان لەپەیامێکدا نوسیویەتى، "ڕۆژی 3ی ئاب حەوت
ساڵ بەسەر مەرگەساتی شەنگال و جینۆسایدی ئێزیدییەكاندا تێدەپەڕێت. ساڵیادی ئەم
تاوانە قێزەونە نامرۆڤانەیە، دەبێت هاندەرمان بێت بۆ ڕێگرتن لە دووبارەبوونەوەی كوشتنی
جیاوازییەكان و بە كۆیلەكردن و كوشتاری دڵڕەشانەی مرۆڤ لەسەر بیروباوەڕ و جیاوازی
ناسنامە و ڕەچەڵەك.".
ئاماژەى
بەوەشکردووە، "بە داخەوە هێشتا هەنگاوەكانی ساڕێژكردنی ئەم برینە قووڵە لە
ئاستی پێویستدا نین، بە هەموو توانامان پشتیوانی لە كۆی ئەو هەنگاوە ناوخۆیی و دەرەكیانە
دەكەین كە لەپێناو گێڕانەوەی كۆمەڵگای ئێزدیدا بۆ ژیانی ئاسایی دەگیرێنەبەر، لەمبارەیەوە
هیوا و داواكاری زیاترمان لە دەوڵەتی عێراق و كۆمەڵگای نێودەوڵەتی هەیە."