وه‌زاره‌تی كشتوكاڵ حه‌وت بڕیاری ده‌ركرد
11:07 - 23/02/2021
115 جار خوێندراوەتەوە
زه‌مه‌ن_هه‌رێمی كوردستان
وه‌زیری كشتوكاڵی هه‌رێمی كوردستان له‌گه‌ڵ ئەنجومەنی باڵای پیشەسازی پەلەوەر
كۆبوه‌وه و حه‌وت بڕیاری تایبه‌ت به كێڵگه په‌له‌وه‌رییه‌كان ده‌ركرد.
خاڵی یه‌كه‌می
بڕیاره‌كه، جەختکردنەوەیه لەسەر قەدەغەکردنی مریشکی هاوردە و بەستوو بەهەموو
شێوەیەک لەتەواوی دەروازەکانی هەرێمی کوردستان، بۆ ئەم مەبەستە هەماهەنگی تەواو لەگەڵ
سەرجەم لایەنە پەیوەندی دارەکان دەکرێت.
بڕیاردراوه، هەڵمەتێکی نیشتیمانی بۆ
دەستبەسەرداگرتنی بەرهەمی قاچاغ و نایاسایی لەبازاڕەکان ئەنجامبدرێت بەسەرپەرشتی
خودی وەزیری کشتوکاڵ و سەرچاوەکانی ئاو.
ده‌قی بڕیاره‌كان:
ئەمڕۆ سێشەممە
٢٣/٢/٢٠٢١ لەگەڵ ئەنجومەنی باڵای پیشەسازی پەلەوەر کۆبووینەوەو ئەم بڕیارانەی
خوارەوەمان دەرکرد :
1- جەختکردنەوە لەسەر قەدەغەکردنی مریشکی هاوردە و بەستوو بەهەموو شێوەیەک لەتەواوی دەروازەکانی هەرێمی کوردستان، بۆ ئەم مەبەستە هەماهەنگی تەواو لەگەڵ سەرجەم لایەنە پەیوەندی دارەکان دەکرێت.
2- هەڵمەتێکی نیشتیمانی بۆ
دەستبەسەرداگرتنی بەرهەمی قاچاغ و نایاسایی لەبازاڕەکان ئەنجام دەدرێت بەسەرپەرشتی
خودی وەزیری کشتوکاڵ و سەرچاوەکانی ئاو.
3- بڕیار درا بە ڕاگرتن وقەدەغەکردنی
پارچەکانی مریشکی هاوردەکراو، لەبڕی ئەمە خاوەنی سەربڕخانەکانی کوردستان
راسپێردران کە ئامادەکاری بکەن بۆ پرکردنەوەی بازاڕەکانی هەرێمی کوردستان بە
لەبەرچاو گرتنی خواستی براندە بیانیەکان.
4- بەمەبەستی پاراستنی بەرهەمی ناوەخۆیی
و بەرهەمی دەواجن و سەربڕخانەکانی هەرێمی کوردستان هەفتەی داهاتوودا هەڵمەتێکی
راگەیاندن بۆ ناساندنی ستیکەر وبارکۆدی تایبەت لەسەر بەرهەمی سەربڕخانەکانی هەرێمی
کوردستان دەچێتە بواری جێەبەجێ کردنەوە کەئەمە دەبێتە هۆکارێک بۆ پارێزگاری و
ناساندنی بەرهەمی ناوەخۆیی بە کوالێتیەکی بەرز و نرخێکی گونجاو بۆ بازاڕەکانی
هەرێمی کوردستان.
5- جەنابی وەزیر سەرجەم فەرمانگە
پەیوەندیدارەکانی راسپارد لە ناو وەزارەتی کشتوکاڵ وسەرچاوەکانی ئاو بۆ
چارەسەرکردن و بەدواداچوونی هەموو ئەو بابەتانەی کە پەیوەندی هەیە بەپیشەسازی
پەلەوەرەوە، بەتایبەتی لە پرۆژەکانی مریشکی گۆشت و کارگەکانی ئالیک و
سەربڕخانەکان، لەلایەن بەڕێوەبەرایەتی سامانی ئاژەڵی و ڤێترنەری پارێزگاکان بۆ
کاروبارەکان.
6- تاکیدکردنەوە لەگەڵ وەزارەتی کارەبا
لەسەر نرخی کارەبا بۆ پرۆژە گرنگەکانی پەلەوەری و پرۆژەکانی کشتوکاڵی دوای پشتگیری
کردنیان لەلایەن وەزارەت.
7-وەزارەتی کشتوکاڵ و سەرچاوەکانی ئاو
لە نوسراوێکی فەرمیدا داوا لە ئەنجومەنی وەزیران دەکات کە لە پێناوی گرنگی دان و
پاڵپشتی کردنی بەرهەمی ناوەخۆی گشتاندن بکات بۆ وەزارەتەکانی پێشمەرگە و ناوەخۆ و
تەندروستی و کاروباری کۆمەڵایەتی و کار، کە بەرهەمی کێلگە پەلەوەریەکانی ناوەخۆی
هەرێمی کوردستان بکڕنەوە.