بەغدا داواى زانیارى لە هەرێم دەکات بۆ ئەوەى پارە بنێرێت
01:01 - 27/01/2021
909 جار خوێندراوەتەوە
زەمەن_بەغدا
ئەندامێکى پەرلەمانى
عێراق ڕایگەیاند، وەزارەتى بازرگانى داواى لە پارێزگاکانى هەرێم کردووە کۆتا زانیارییان
بۆ بنێرن لەبارەى پارەى گەنمى جوتیارانەوە بۆ ئەوەى پارەکە رەوانە هەرێم بکەن.
موسەنا ئەمین
ئەندامى پەرلەمانى عێراق، لە ڕاگەیەنراوێکدا ئاماژەى بەوەکردووە، وەزیری بازرگانی
بەڵێنی داوە کە لە کۆی پارەى تایبەت بە گەنمى جوتیاران بۆ ساڵانى (2014-2015-2016)
کە پێنج سەد و حەفتا و شەش ملیار و هەشت سەد و هەشتا و پێنج ملیۆن دینارە، لەم رۆژانەدا
دوو سەد و بیست و هەشت ملیار و هەشت سەد و نەوەت و دوو ملیۆن دینار خەرج بکات.
دەشڵێت، وەزارەتى
بازرگانى نوسراوێکى ئاڕاستەى پارێزگاکانی هەرێم کردووە کۆتا زانیاریان بۆ بنێرن بۆ
ئەوەى پارەکە خەرج بکەن.
