قادر قهچاخ: لە دوای ڕێككەوتنى هەولێر و بەغدا دۆخى شنگال خراپتر بووە
04:29 - 04/01/2021
"زەمەن"
بەرپرسی لقی شنگالی
پارتی دیموكراتی كوردستان دەڵێ، هیچ بڕگە و خاڵێكی ڕێككەوتنی شنگال نەكەوتووەتە
بواری جێبەجێكردنەوە و رەوشەكە خراپتر بووە.
قادر قەچاخ، بەرپرسی
لقی شنگالی پارتی بە ماڵپەڕی فەرمیی حیزبەکەى وتووە، "دۆخی شنگال زۆر زۆر
خراپە و تا ئێستا هیچ شتێك بە ناوی رێككەوتنەوە بوونی نییە، چونكە نە پەكەكە دەركراوە
و نە حەشدیش چووەتە دەرەوە".
قەچاخ دەڵێت، ئێستا
بارەگای پۆلیسی شنگال لە دەست پەكەكەدایە، ئەوانەی دەڵێن دەركراون، هیچ راست نییە
و حكوومەتی عیراقیش خۆی هەڵدەخەڵەتێنێ، ئەوانە تەنیا جلوبەرگیان گۆڕیوە و تا ئێستاش
لە شنگالن.
بەرپرسەکەى پارتى لە
شنگال ئاماژەى بەوەشکردووە، "لەجیاتی ئەوەی ئەو هێزانە دەربكەن، هێز و گرووپ
و میلیشیای تر هاتوونەتە شنگال، كەواتە دەتوانین بڵێین تا ئێستا هیچ شتێك لە رێككەوتنەكە
جێبەجێ نەكراوە".