د.شه‌فیق قه‌زاز كۆچی دوایی كرد
07:02 - 23/10/2020
زه‌مه‌ن-سلێمانی
شەوی رابردوو، دکتۆر شەفیق
قەزاز، نوسەر و مێژوونووس و لێکۆڵەری سیاسیی و وەزیری ھاوکاری و مرۆڤایەتی لە ھەردوو
کابینەی سێیەم و چوارەمی حکومەتی ھەرێم، بە ڤایرۆسی کۆرۆنا لە شاری سلێمانی گیانی
لەدەستدا.
دوو هەفتە پێش ئێستا، دکتۆر
شەفیق قەزاز تووشی ڤایرۆسی کۆرۆنا بوو و دواتر ماوەی ھەفتەیەک لە بەشی چاودێریی چڕی
نەخۆشخانەی ئاسای تایبەت بە توشبووانی کۆرۆنا لە سلێمانی خەوێندرا و شەوی رابردوو،
لە تەمەنی ٨٦ ساڵییدا بەھۆی ڤایرۆسەکەوە گیانی لەدەستدا.
شەفیق قەزاز لەساڵی
١٩٣٤ لەیەکێک لە گەڕەکە دێرینەکانی شاری سلێمانی لەدایکبووە و لە ساڵی ١٩٦٣ تا
١٩٧٣، ئەندامی دامەزرێنەر و سەرۆکی کۆمەڵەی خوێندکارانی کورد لە ئەمەریکا بووە.
لە ساڵی ١٩٧٥، نوێنەری
کورد بۆ ھاوکاری و نیشتەجێکردنی کورد لە دەرەوەی وڵات لە ئێران بووە و لە ساڵی
١٩٩٠ سەرۆکی مەڵبەندی رۆشنبیری کوردی بووە.
هاوکات، لە ساڵانی
١٩٩٦ تا ـ٢٠٠٥، وەزیری یارمەتی مرۆڤایەتی و ھاوکاری حکومەتی ھەرێمی کوردستان لە ھەردوو
کابینەی سێیەم و چوارەم.
لە ساڵی ٢٠٠٧ تا ٢٠١١،
سەرۆکی ئەکادیمیای کوردی بووە لە ھەولێر و لە ساڵی ٢٠٠٨ تا ساڵی ٢٠١١ سەرۆکی بۆردی
زانکۆی کوردستان بووە.
شەفیق قەزاز، هاوسەری
چلورە هەردی، چالاکوانی مافی ژنان بوو، كه ده‌كاته زاوای ئه‌حمه‌د هه‌ردی شاعیر و دوای خانه‌نشینبوونی هه‌ر له سلێمانی ژیاوه.
لینکی دوو وتاری تایبەتی
د. شەفیق قەزاز
بۆ "زەمەن"
وتاری یەکەم : هەرێمی
کوردستان و ئەجێندایەکی کراوە
وتاری دووەم: خوێندنەوەیەکی
وتارەکەی سەرۆکوەزیران