رۆحی بێگەرد
09:08 - 11/08/2020
153 جار خوێندراوەتەوە
کولتووری زەمەن
کتێبی
ڕۆحی بێگەرد، بریتییە لە گێڕانەوەی ژیانی
نووسەر و وەرگێڕ و کەسایەتی دیاری کورد (مامۆستا ڕەووف بێگەرد) بەشێوەی وتووێژ کە
هاوڕێی شاعیر ئیدریس عەلی لەگەڵیدا ئەنجامیداوە.
کتێبەکە،
لە کۆمەڵێک پرسیار و وەڵام پێکھاتووە لە قۆناغی منداڵییەوە تاکو ئێستای ڕەووف
بێگەرد.. بە گشتی کتێبەکە پڕە لە ڕووداوی جۆراوجۆر و کەسایەتی چێرۆکئاسا، خوێنەر،
لە ھەندێ شوێندا بیری دەچێتەوە ئەم کتێبە وتووێژە و وا ھەست دەکات چیرۆکێکی پڕ لە
ڕووداو و گرێ و کاراکتەری فەنتازی دەخوێنێتەوە، بەبڕوای من دەکرێ خوێنەر ھەم چێژ
لە گێڕانەوەکە ببینێت، ھەم وەک ئەزموونێک تەماشای بکات، چونکە باس لە زۆربەی
لایەنەکانی ژیانی بێگەرد دەکات، منداڵی و گەنجێتی و سیاسەت و سەرەتای دەستبردنی بۆ
پشکۆی نووسین و ھاوسەرگیری و ژیانی تایبەتی ئێستای، جوانی ئەم کتێبە لەوەدایە
بێگەرد، بێ پەردە و ماسک، ژیانی تایبەتی خۆی دەگێڕێتەوە و دەستی بۆ ھەندی بابەتی
تابۆ و حەرام بردووە.
کتێبەکە
لە ئێستادا کاری دیزاینی تەواو بووە و لە داھاتوویەکی نزیکدا چاپ و بڵاو دەکرێتەوە