كه‌شناسی: تاوه‌باران هه‌رێمی كوردستان ده‌گرێته‌وه
10:50 - 03/07/2020
806 جار خوێندراوەتەوە
"زەمەن"
به‌ڕێوه‌به‌رایه‌تی گشتی كه‌شناسی و بومه‌له‌رزه‌زانی
هه‌رێم رایگه‌یاند، ئه‌مڕۆ پله‌كانی گه‌رما به‌رزده‌بنه‌وه و سبه‌ینێ، ئه‌گه‌ری
تاوه‌باران له پارێزگای هه‌ولێر و دهۆك هه‌یه.
كه‌شناسی هه‌رێم،
پێشبینی كه‌شوهه‌وای بۆ ئه‌مڕۆ و سبه‌ی بڵاوكرده‌وه و رایگه‌یاند، ئه‌مڕۆ ئاسمانی هه‌رێمی
كوردستان ساماڵ و په‌ڵه‌هه‌ور ده‌بێت، پله‌كانی گه‌رما له نێوان 2 بۆ 5 پله به‌رزده‌بنه‌وه.
كه‌شناسی هه‌رێم
پێشبینیشی كرده‌وه، سبه‌ینێ، ئاسمان ساماڵ و په‌ڵه‌هه‌ور بێت و له‌ناوچه
شاخاوییه‌كانی سنوری پارێزگای هه‌ولێر و دهۆكیش، ئه‌گه‌ری تاوه‌بارانی كه‌می كورت
خایه‌ن هه‌یه.
