سعوديە وادەى دیارییکردنى یەکەم رۆژى جەژن ئاشکرا دەکات
05:30 - 11/05/2020
.jpg)
"زەمەن"
هیندی ئەندامی یەكێتی عەرەبی زانستی فەلەكی و فەزایی سعودیە رایدەگەیەنێت، ئێوارەى
رۆژى ٢٢ى ئایار چاودێرى مانگ دەکرێت بۆ ئەوەى یەکەم رۆژى جەژن دیار بکرێت.
مولهم بن محەمەد هیندی ئەندامی یەكێتی
عەرەبی زانستی فەلەكی و فەزایی سعودیە لە رۆژنامەى (البیان) ى راگەیاندووە، ”بۆ ئەوەی
مەرجەكانی بینینی هیلال فەراهەم بێت، پێویست هیلال بەر لە خۆرئاوابوون دەربكەوێت،
و ئاوابوونی مانگیش بكەوێتە دوای خۆرئاوابوون، ئەم وادانە دەكرێت بەشێوەیەكی فەلەكی
ئەژماربكرێن".
ئاماژەى بەوەشکردووە، "بەپێی ئەژمارە فەلەكییەكانی ئێمەش، دەركەوتنی هیلالی
جەژن لە كاتژمێر 8:39ی ئێوارەی 22ی ئەم مانگەدا دەبێت، واتا دوای خۆرئاوابوون لە هەموو
ناوچەكانی شانشینی عەرەبی سعودیە”.
هەروەها ماڵپەڕی گۆگڵ بڵاویکردووەتەوە کە ڕۆژی
٢٣ی مانگ کۆتا ڕۆژی مانگی ڕەمەزان دەبێت و ڕۆژی ٢٤ی مانگ دەبێتە جەژن.
نەبەز ئیسماعیل، وتەبێژی
وەزارەتی ئەوقاف و كاروباری ئاینی حكومەتی هەرێمی كوردستان پێشتر چەند جارێک بە
"زەمەن"ی ڕاگەیاندووە کە ئەوان بۆ دیاریکردنی مانگی ڕەمەزان یاخود جەژنی
ڕەمەزان و قوربان پشت بە لیژنەی بینینی مانگ دەبەستن و هەروەها تەنسیقیشیان لەگەڵ
لیژنەی وەقفی سونی عێراق هەیە.
موسوڵمانان دوای ئەوەی
مانگی ڕەمەزان بە ڕۆژوو دەبن و دوای کۆتایی هاتنی ئەو مانگە بۆ ماوەی سێ ڕۆژ جەژنی
ڕەمەزان دەگێڕن.