ئەمریکا: هیچ وڵاتێک لە کڕین و فرۆشتنى نەوت بە ئێران نابەخشین
02:01 - 12/01/2019
زەمەن پرێس
بەرپرسێکى باڵاى ئیدارەى ترەمپ راگەیاند سزاکان لەسەر ئێران توند
تر دەکەنەوەو هیچ وڵاتێکیش لە کڕین و فرۆشتنى نەوت بەو وڵاتە نابەخشرێت.
برایان هۆک بەرپرسى دۆسیەى ئێران لە وەزارەتى دەرەوەى ئەمریکا
رایگەیاند، بڕیارەکانمان لەبارەى ئێرانەوە وەکو خۆیەتى و سزاکانى سەر ئێران توندتر
دەکەینەوە.
هۆک ئاماژەى بەوەش کرد، بەخشینى چەند وڵاتێک بۆ کڕین و فرۆشتنى
نەوت بە ئێران بۆ راگرتنى هاوسەنگى نرخى نەوت بووە لە رێکخراوى ئۆپێک.
ئەو بەرپرسەى ئەمریکا جەختیکردەوە لەمەودوا هیچ وڵاتێک لە کڕین و
فرۆشتنى نەوت بە ئێران نابەخشن.
لە کۆتایى ساڵى رابردوو ئەمریکا بەشێوەیەکى فەرمى چەندین سزاى
دیکەى بەسەر ئێراندا سەپاند لەناویاندا قەدەغەکردنى کڕین و فرۆشتنى نەوت بە ئێران،
بەڵام ژەند وڵاتێکى لەو سزایە بەخشى بوو عێراقیش یەکێک بوو لەو ولاتانە.