خواندنەک جودا بۆ رێککەفتنا ناڤبەرا ئەمەریکا و تورکیا
10/20/2019 12:19:00 PM
79 جار خوێندراوەتەوە
نەشوان سلێمان
وەک دیار ل ٩/
١٠/ ٢٠١٩ سەرۆکێ ئەمەریکا دۆناڵد ترەمپ پاش پەیوەندیەکا تەلەفونی دگەل ئەردۆغانی سەرۆکێ
تورکیا ژ نشکاڤە بریارا ڤەکێشاندنا هێزێن
ئەمەریکی ل باکۆرێ سۆریا دا.
ئەڤ چەندە وەکی
جۆرە هەلکرنا گلۆپا کەسک بی بۆ تورکیا کۆ دەمەک بی بەر هەڤیێن هرشەکا داگیرکاری
دکر بۆ سەر دەڤەرێن کوردی، لێ ل هێڤیا فرسەندەکێ
بی، بریارا ڤەکێشاندنا ترەمپی ئەو فرسەندە دایە دەست تورکیا ب سەدان تانک و زرێپۆش
و فرۆکێن جەنگی و ٥٠ هزار سەربازو چەکدارێن جیهادی هێرشی سەر رۆژئاڤا_باکۆرێ سۆریا
بکت.
دبەرامبەردا هێزێن
سۆریا دیموکرات و یەکینەیێن پاراستنا گەل بریارا بەرخوەدانیێ دان و ب فیداکاری و شێوەیەکێ
ئەفسۆناوی ب ئیمکانیەتێن کێم چەندین هێرشێن سۆپایێ تورک و چەکدارێن وێ شکاندن و رێ
ل پشکەفتنێن سەربازیێن تورکیا گرتن.
بریارا خوە ڤەکێشاندنا
ژ نشکاڤە یا هێزێن ئەمەریکی و
ب تنێ هشتنا
کوردان ل هەمبەر هێزەکا نەبەرامبەر سەرەڕای بەرخوەدانیەکا ئەفسۆناوی یا چەند رۆژی
لێ ژئەگەرێ نابەرامبەریا هێزێ کورد نەچارکرن ب ناڤبەینکاریا رۆسیا دگەل رژێما سۆری
ل هەف هاتنەکا سەربازی بکن بۆ پاراستانێ سنۆرێن رژئاڤا_ باکۆرێ سۆریا، بڤێ ل هەف
هاتنێ کارتێن یاریێ ل گۆرەپانا سۆری تێکەڵ بین و تاراددەیەکێ یاری ل تورکیا هاتە تێکدان
ب رەنگەکێ ئێدی مەترسیا رویب رویبینا هێزێن ترکی و رژێما سۆری پاڵپشت ب رۆسیا ئەگەرەکێ
ڤەکری بی.
هەر ل دەستپێکا
بریارا ترەمپی و دەستپێکرنا هێرشێن دەولەتا تورک دەنگێ نەرازیبینێ ل کۆچکا سپی هەر
زۆی بلند بی، ل جادەیا ئەمەریکی و ل ناف کونگرێس و سیناتۆر و سیاسەتمەدارێن ئەمەریکا
ئەف بریارە ب بریارەکا خەلەت و پشتکردن ل هەفپەیمانێ شەرێ دژی داعش کوردێن رۆژئاڤا
و ب ئەگەرێ سەر هەلدانا ژنویڤە یا تیرۆریستێن داعشێ و ب هێزکرنا پێگەهێ رۆسی و ئیرانی
ل دەڤەرێ ل قەلەم دان، لسەر ئاستێ جیهانێ ژی پرانیا دەولەتێن ئەورۆپی و کۆمکارا عەرەبی
دەستدرێژیێن تورکیا رەتکرن و ئیدانەکرن.
رۆژ ب رۆژ
فشارێن جەماوەری و سیاسی و دیپلۆماسی ل دژی بریارا ترەمپی ژلایەکێ ڤەو دژی هرشێن دەولەتا تورک زێدە بین.
بۆ سەرە
راستکرنا بڕیارا شاش یا ترەمپی بۆ جارا ئێکێ سیناتۆرێن کۆماری و دیموکراتان پێکڤە
ئێک دەنگ بین ڤێ بریارێ هەڵبوەشینن، هەروەسا بۆ رێگری ل دەست درێژیێن تورکیا پرۆژە
یاسایەکێ بۆ سەپاندنا سزایێن ئابۆری بسەر تورکیا دا ئامادە بکن ئەگەر هاتوو هێرش و
پەلا مارێن سەر رۆژئاڤا رانەوەستینت.
ئەف هەوڵدانێن
گۆنگرێسی و سیناتۆران و فشارێن وڵاتێن ئەورۆپی ژلایەکێ ڤەو بەرخوەدانا بێ وێنە یا
شەرڤانێن هەسەدێ و یەپەگێ ژلایەکێ دیڤە بینە هۆکارێ رێککەفتنەکێ ناڤبەرا ئەمەریکا
و تورکیادا بۆ راوەستاندنا شەری بۆ ماوێ ١٢٠ دەژمێرا.
هەر چەندە ئەو
خالێن هاتینە بەڵافکرن کو رێککەفتن لسەر هاتیە کرن هەمی دبەرژەوەندیا تورکیا دا و
ب زەرەرا کوردان دایە، لێ ب دیتنا من و ب واقعێ لسەر عەردی هندەک ژوان خالا کو سور
و سور نەد بەرژەوەندیا رۆژئاڤا_باکۆرێ سۆریا و هەروەسا سۆریا و رۆسیا ژی دانە ب تایبەت
ئەو خالا بەحس ژ ڤەکێشانا هێزێن کوردی ب کویراتیا ٣٢ کیلۆمەترا ئانکۆ ژ رۆژئاڤا_باکۆرێ
سۆریێ هەمییێ دیسان ئیدارەدانا وان دەڤەرا ژلایێ هێزێن تورکی ڤە ئەڤە مەحالە بێنە
جێبەجێکرن،نە لایەنی کوردی ب وان خالا رازی دبن نەژی رۆسیا و رژێما سۆری.
چونکە دنوکەدا
هێزێن کوردی رێککەفتنەک دگەل رژێما سۆری و رۆسیا هەیە بۆ بەڵاڤە پێکرنا هێزێن سۆری
ل سەر سنۆرێن ناڤبەرا باکۆرێ سۆریێ و تورکیادا بەشەک ژ هێزێن سۆری و رۆسی نوکە ل حەسەکێ
و قامشلۆ و منبج و ل کۆبانێ و دەوروبەرێن تل تەمر و عەین عیسا هەنە. ئەرێ دێ هەڵویست
و چارەنڤێسێ ڤان هێزا چ بت؟ دێ رۆسیا هەما وەسا ب ساناهی ژوان دەڤەرا ڤەکێشت کۆ
تازە کەتیە تێدا؟ بێگۆمان نەخێر.
ب دیتنا من
راگەهاندنا ڤان ١٢ خالێن رێککەفتن لسەر هاتیەکرن بۆ رزگارکرنا ترەمپی ژ فشارێن
نافخۆی و هەروەسا بۆ رزگارکرنا ئەردۆغانی و تورکیایە ژوان پرۆژە یاسایێن ئامادەکری
بۆ سزادانا تورکیا ژلایێ کۆنگرێسێ ئەمەریکا ڤەو هەروەسا ژوێ پاشەکشەیا سیاسی و دیپلۆماسی
لسەر ئاستێ دەرڤە یا ئەڤرۆ ئەردۆغان و تورکیا کەتیە تێدا.
چونکە ئەف رێککەفتنە
دەستپێکی یەو هێشتا قویناغا دانوستاندنێن سێ قۆلی دناڤبەرا کوردان و ئەمەریکا و
تورکیادا مایە و شەرێ مەزن ل دانوستاندنێن سێ قۆلی دێ دەستپێکت.
رەنگە ژلایەکێ دیڤە مەترسیا
وێ چەندێ ژی هەبت پرانیا دەڤەرێن دەوڵەمەند ب پەترۆلێ ل دەڤەرێن کوردی نە کو بنگەهێن
سەربازیێن ئەمەریکی ل وان دەڤەرا هەنە و هێشتا نەڤەکێشانە ب تایبەت دەڤەرا گرکێ لەگێ_رمێلان
رەنگە ئەمەریکا ڤان دەڤەرا ب هەڤبەشی دگەل تورکیا برێڤە ببن کو دیسان ئەوژی نەدبەرژەوەندیا
کوردان دایە، لێ دیسان هەڵویستێ هێزێن کوردی و رۆسیا و رژێمێ دێ چبت دا چاڤەرێبین