ئەگەر بۆ جاری دووەم دەنگەکانی دوو کاندیدەکەی خانەی ڕاپەڕاندن یەکسانبن چی ڕودەدات؟
12:38 - 14/09/2019
.jpg)
"زەمەن"
لەهەڵبژاردنی ئەمڕۆی سکرتێری باژێرەکاندا هەریەکە لە
ئاسۆ ڕەحیم و شەماڵ عەبدولوەفا دەنگەکانیان یەکسان بوون ،بۆیە بەپێی دەستوری
ناوخۆیی گۆڕان بڕیاردرا هەڵبژاردنەکە دوبارە بکرێتەوە، بەڵام ئەگەر بێتو جارێکی دیکە
دەنگەکان یەکسان بن دوو ڕێگا دەگیرێتەبەر:
بەگوێرەی دەستوری ناوخۆیی بزوتنەوەی گۆڕان ، لەحاڵەتێکدا ئەگەر دوو کاندید
دوو جار لەسەر یەک لە دوو هەڵبژاردندا دەنگەکانیان یەکسانبێت ، ئەوا دەبێت ئەو دوو
کاندیدە لەنێوان خۆیاندا ڕێککەوتن بکەن و یەکێکیان لەبەرژەوەندی ئەوی دیکەیان
بکشێتەوە.
بەپێی دەستوری گۆڕان ئەگەر هیچ کاندیدێک ئامادەنەبوو
بکشێتەوە ، ئەوا تیروپشک بۆ یەکلاییکردنەوەیان ئەنجام دەدرێت.