کۆمیسیۆن چاودێری هەڵبژاردنی خانەی ڕاپەڕاندن و ڕێکخەری گشتی گۆڕان دەکات
10:00 - 14/09/2019
"زەمەن"
کۆمسیۆنی سەربەخۆی هەڵبژاردنەکانی عێراق،
چاودێری هەڵبژاردنی ڕێکخەری گشتی و خانەی ڕاپەڕاندنی گۆڕان دەکات و بۆ هەر
پۆستێکیش کارتی دەنگدانی تایبەت چاپکراوە.
دوای دوو ساڵ، ئەمڕۆ جڤاتی نیشتمانی
بزووتنەوەی گۆڕان، ڕێکخەر و خانەی ڕاپەڕاندنێکی نوێ هەڵدەبژێرێت و بڕیارە
کۆبوونەوەکە کاتژمێر ١٠ی سەرلەبەیانی لە مەکۆی سەرەکی گۆڕان لە شاری سلێمانی
بەڕێوەبچێت.
بە گوێرەی زانیارییەکانی زەمەن، کۆمسیۆنی
سەربەخۆی هەڵبژاردنەکانی عێراق، چاودێری بەڕێوەچوونی پڕۆسەی هەڵبژاردنەکە دەکات و
هەروەها بۆ هەر پۆستێک کارتی تایبەت چاپکراوە و چەند دادوەرێکیش لە ژوری یاسایی و
هەڵبژاردنی بزووتنەوەکە سەرپەرشتی هەڵبژاردنەکە دەکەن.