لە ناوەڕاستی ئەم هەفتەیەوە باران دەستپێدەکات
12:48 - 25/10/2026
زەمەن_هەواڵ
کەشناسی بڵاویکردەوە، لەمڕۆوە ئەگەری نمەباران لە ناوچە شاخاوییەکانی هەرێمی کوردستان هەیە و لە ناوەڕاستی هەفتەشەوە شەپۆلێکی بارانبارین و هەورەبرووسکە دەستپێدەکات.
ئەمڕۆ یەکشەممە، ٢٥ی تشرینی یەکەمی ٢٠٢٦، دەستەی کەشناسی عێراق ڕایگەیاند: لە ڕۆژی سێشەممەوە کەشوهەوا دەگۆڕێت و لە بەشەکانی ڕۆژئاوا باران دەبارێت و شەپۆلەکە لە ڕۆژانی چوارشەممە و پێنجشەممە فراوانتر دەبێت و بە شێوەی بارانی مامناوەند و هەورەبرووسکە، سەرانسەری ناوچەکانی باکوور، ناوەڕاست و باشوور دەگرێتەوە، هەروەها پلەکانی گەرماش کەمێک نزم دەبنەوە.
هاوکات، بەڕێوەبەرایەتی گشتی کەشناسی هەرێمیش دەڵێت: لەمڕۆوە ئەگەری نمەباران لە ناوچە شاخاوییەکانی هەرێمی کوردستان هەیە و لە ناوەڕاستی هەفتەشەوە شەپۆلێکی بارانبارین و هەورەبرووسکە ناوچە جیاوازەکانی عێراق و هەرێم دەگرێتەوە.