سودانی و هادی عامری و مەندەلاوی گەیشتنە هەولێر
12:41 - 02/02/2026
زەمەن - هەواڵ
پێشنیوەڕۆی ئەمڕۆ شاندێکی باڵای چوارچێوەی هەماهەنگی
گەیشتە هەولێر و بڕیارە لەگەڵ هەریەک لە مەسعود بارزانی و لە سلێمانییش لەگەڵ بافڵ
جەلال تاڵەبانی بۆ پرسی سەرۆککۆمار کۆببنەوە.
محەممەد شیاع سودانی، سەرۆکی هاوپەیمانیی ئاوەدانکردنەوە
و گەشەپێدان، هادی عامری، ئەمینداری گشتیی ڕێکخراوى بەدر و موحسین مەندەلاوی سەرۆکی
هاوپەیمانیی ئەساسی عێراقی، گەیشتنە هەولێر و لەگەڵ کەسی یەکەمی پارتی کۆدەبنەوە.
هەریەک لە مەسرور بارزانی، ڕێبەر ئەحمەد، پشتیوان
سادق، نەوزاد هادی و ئومێد خۆشناو پێشوازییان لەو شاندەی چوارچێوەی هەماهەنگی کرد.
بڕیارە شاندە باڵاکەی چوارچێوەی هەماهەنگی، سەردانى
سلێمانییش بکەن و لەگەڵ بافڵ جەلال تاڵەبانى، سەرۆکى یەکێتیی نیشتمانیی کوردستان کۆببنەوە.
شاندەکە تاوتوێی پرسی دیاریکردنی بەربژێریک بۆ
پۆستی سەرۆککۆمار لەگەڵ مەسعود بارزانی و بافڵ جەلال تاڵەبانی دەکەن.
ئامانجی سەرەکیی شاندەکەی باڵاکەی عێراق بۆ
تاوتوێکردنی پرسی هەڵبژاردنی سەرۆککۆمار و بەربژێری سەرۆکوەزیران لەگەڵ یەکێتی و
پارتی کۆدەبنەوە و هەروەها باسیش لە دۆخی ناوچەکە و دوایین پێشهاتەکان لەبارەی بەربژێرانی
سەرۆککۆمار و سەرۆکوەزیرانی عێراق و پەیامەکانی ئەمریکا بۆ پێکهێنانی حکومەتی نوێی
عێراق دەکەن.