"دۆلارێکی زۆر لە بازاڕدا هەیە و نرخەکەی دابەزیوە"
03:15 - 01/02/2026
زەمەن _ئابوری
نیوەڕۆی ئەمڕۆ لە هەردوو بازاڕی دراوی هەولێر و سلێمانی، مامەڵەی کڕین و فرۆشتنی 100 دۆلار گەیشتە خانەی 148,000 دینار.
هۆکارەکانی دابەزینی نرخی دۆلار بەگوێ بۆچونی کەیفی خۆشناو، وتەبێژی بازاڕی دراوی هەولێر : هۆکاری سەرەکیی بەرزبوونەوەی بەهای دینار بوونی دۆلارێکی زۆرە لە بازاڕەکاندا.
ئاماژەی بەوەش کرد، بازرگان و کۆمپانیاکان بڕێکی زۆر دۆلاریان لە بانکی ناوەندی وەرگرتووە و خستوویانەتە ناو بازاڕەوە، ئەمەش وایکردووە خواست لەسەر دۆلار کەمببێتەوە.
ئەم گۆڕانکارییە لە نرخەکاندا دوای ئەوە دێت کە لە ماوەی ڕابردوودا بەهای دینار دابەزینێکی بەرچاوی تۆمارکردبوو. لە ماوەی 2 هەفتەی ڕابردوودا، نرخی 100 دۆلاری ئەمریکی هەڵکشانی بەخۆوە بینی و تاوەکو ئاستی 157,000 دینار مامەڵەی پێوەکرا.