محەمەد حەکیم: دەسەڵات دەیەوێت بە سیاسەتی هەڵە داهاتووشمان بە خراپتر بسپێرن
06:58 - 18/10/2025
زەمەن
پرێس:
سەرۆکی
لیستى کۆمەڵ بۆ هەڵبژاردنیى پەرلەمانى عێراق رایدەگەیەنێت، هەرێمی کوردستان لە
دۆخێکی خراپی سیاسی و دارایی و ئیداریی دایە، هەروەها دەسەڵات دەیەوێت بە
بەردەوامی دان بە سیاسەتی هەڵە لە ئیدارەدان داهاتووشمان بە خراپتر بسپێرن.
محەمەد
حەکیم، کاندیدی کۆمەڵی دادگەریی کوردستان لە بازنەی سلێمانی لە کەرنەڤاڵی ناساندنی
لیست و کاندیدانی کۆمەڵی دادگەریی لە سلێمانی رایگەیاند: هەرێمی کوردستان لە
دۆخێکی خراپی سیاسی و دارایی و ئیداریی دایە، هەروەها دەسەڵات دەیەوێت بە
بەردەوامی دان بە سیاسەتی هەڵە لە ئیدارەدان داهاتووشمان بە خراپتر بسپێرن.
ئاماژەی بەوەکرد، دەبینن ئەم دەسەڵاتە شکست خواردووە چۆن یاریی بە
ژیانی ئێستا و داهاتووی نەوەکانمان دەکات و بۆ یەکجاریش بەخۆیاندا نەچوونەتەوە.
محەمەد حەکیم باسی لەوەشکردوە، ئەوانەی حومکڕانی ئەم هەرێمە دەکەن
کاریان بە سیاسەتی هەموو شتێک بۆ خۆیان و هیچ بۆ خەڵک کردووە، ئەوەی شایەنی
خۆشگوزەرانییە ئەو خەڵکەیە کە ئێستا بەدەست نەبوونی مووچە و خزمەتگوزارییەوە
دەناڵێنن.
ناوبراو وتیشی، ئێمە وەک کۆمەڵی دادگەریی هەمیشە لە سەنگەری بەرژەوەندییەکانی
خەڵکەوە دەنگێکی دلێرمان هەبووە و خۆڕاگربووین، لە هەر شوێنێک نوێنەرمان هەبووبێت
دەنگی خەڵکی ستەملێکراو لەوێ بڵند بووە.
کاندیدەکەى کۆمەڵ ئەوەشی خستەڕوو، تاوەکو نوێنەری زیاترمان هەبێت لە
بەغدا هەبێت دەنگی خەڵکی ستەملێکراو بڵندتر دەبێت و بازنەی بەرژەوەندییەکانی
دەسەڵات تەسکتردەبێتەوە، پارتی و یەکێتی 22 ساڵە لە بەغدا لەبری شەڕکردن بۆ
بەرژەوەندیی خەڵک کاریان بۆ بەرژەوەندیی تەسکی حزبی و کۆمپانیاکانی خۆیان کردووە.